Veigar Páll

Það er löng frásögn í norskum fjölmiðlum um galdrakarlinn Veigar Pál Gunnarsson.

Auðvitað er minnst á klúðrið sem félagaskiptin fela í sér (sem allir vita um), en samdóma álit manna er að Veigar er þar alls ekki sökudólgurinn. 

Það er hins vegar leikurinn í kvöld sem er á allra vörum - og Veigar Páll. Síðan hann kom til Vålerenga þann 1. ágúst, hefur liðið leikið 10 leiki og fengið 23 stig. Ef sami gangur hefði verið á liðinu allt tímabilið þá hefði Vålerenga leitt deildina með átta stigum.

Þjálfarinn hans, einhver frægasti knattspyrnumaður Noregs fyrr og síðar, Martin Andersen, segir að Veigar sé þyngdar sinnar virði í gulli. Þetta segir auðvitað mikið því Veigar hefur lengi verið gagnrýndur fyrir að vera of þungur.

En vegna þessa leiðindamáls vegna fyrrum vinnuveitenda, Stabæk, og franska liðsins Nancy sem hann var á mála hjá um hríð, þá á Veigar á hættu að missa réttindi sín til að leika knattspyrnu í Noregi.

Mér finnst nú að Íslenska knattspyrnusambandið eigi að láta heyra í sér vegna þessa máls og styðja Veigar Pál, ekki síst vegna þess hversu illa sambandið hefur komið fram við hann nú undanfarið - og þjálfarinn um árabil.

Veigar Páll er eflaust okkar öflugasti knattspyrnumaður þessi misserin og allan stuðning skilið frá okkur Íslendingum.

Veigar lagði upp tvö mörk

Athugasemdir

[Torfi Kristján Stefánsson, 14.10.2011 kl. 21:13]

Það má bæta við þetta að bæði Stjarnan og KR eiga rétt á greiðslum vegna sölunnar á Veigari Páli til Vålerenga.

Veigar lék með Stjörnunni á árunum 1996-2000 og KR árið 2002-3.

Stjarnan á rétt á um tæp 4% af söluverðinu á Veigari - og ætlar að sækja þann rétt sinn.

[Torfi Kristján Stefánsson, 14.10.2011 kl. 21:17]

Tími Indriða Sigurðssonar í landsliðinu hlýtur að taka enda með nýjum þjálfara. Hann fær falleinkun fyrir leiki sína í tveimur síðustu umferðum í norsku deildarkeppninni, enda dæmt á hann víti í þeim báðum.

Kominn tími til að hreinsa til í landsliðshópnum.  Nýir vendir sópa betur ...