Heiðar búinn að skora!

Heiðar Helguson er greinilega ekki búinn að syngja sitt síðasta á fótboltavellinum því hann er búinn að fiska vítaspyrnu gegn Chelsea og skora svo sjálfur úr henni.

Hann sýnir þar með að fyrrverandi landsliðsþjálfari, Óli Jó, gerði enn ein mistökin í að velja ekki Heiðar í landsliðið í tveimur síðustu leikjunum.

Vonandi verða þjálfaraskiptin til þess að Heiðar gefi aftur kost á sér í landsliðið. Við eigum ekki marga hreinræktaða sentera í boltanum í dag.

Amk er kantmaðurinn Rúrik Gíslason það alls ekki (sem lék senter í síðasta landsleik) en hann sat á bekknum í dag nær allan leikinn hjá OB (í tapleik gegn Aab) og hefur ekki komist í byrjunarliðið síðan hann gagnrýndi þjálfarann fyrir einmitt það, að velja sig ekki í liði!

Heiðar í liði QPR gegn Chelsea