Að hafa vit fyrir öðrum

Það er greinilegt að nú er verið að stunda lobbý-isma, svo neitun Bandaríkjamanna í Öryggisráðinu komi ekki eins illa út. Frakkar kusu nefnilega með umsókn Palestínu í Unesco um daginn! Afstaða Breta og Kolumbíumanna kemur hins vegar ekki á óvart (þó svo að vænta hefði að þeir síðarnefndu myndu greiða atkvæði gegn því eins og þeir gerðu hvað Unesco-málið varðaði).

En yfirlýsingar eins og þessi hjá Frökkum, eru einfaldlega hlægilegar í ljósi þess að stór meirihluti þjóða ætlar að kjósa með aðildarumsókn Palestínumanna. Frakkar vita sem sagt betur en þessi miklu meirihluti - og auðvitað miklu betur en Palestínumenn hvað þeim er fyrir bestu.

Hér kemur auðvitað í ljós hversu lýðræðið er í raun lítils virði í augum vestrænna stjórnmálamanna. Og það að eitt land geti beitt neitunarvaldi er auðvitað miklu frekar dæmi um einræði en lýðræði.

Nýlendustefnan lifir greinilega enn góðu lífi hér á Vesturlöndum.

Frakkar ætla að sitja hjá

Athugasemdir

[Elle_, 5.11.2011 kl. 21:00]

Alveg hárréttar lýsingar.  Lýðræðið er ekkert og Frakkar gera sig að fíflum.  Nokkrar vestrænar ríkisstjórnir standa þarna gegn fjölda annarra ríkisstjórna sem styðja Palestínustjórn.  Og með hrottunum í Ísraeslsstjórn.  Það er e-ð mikið bogið við stuðninginn við glæpi Ísraelsríkis.