Loksins frétt af Arnari Þór

Það er ótrúlegt hve litlar fréttir berast af belgíska fótboltanum, einkum af frammistöðu Arnars Þórs. Lið hans Cercle Brugge er nú í 2.-3. sæti belgísku úrvalsdeildarinnar, aðeins 3 stigum á eftir efsta liðinu, Anderlecht.

Eins og kemur fram í þessari rétt hefur Arnar Þór leikið alla leiki liðsins og ekki misst úr einni mínútu.

Þrátt fyrir það sá fyrrverandi landsliðsþjálfari aldrei ástæðu til að kalla Arnar heim heldur notaðist í hans stöðu, vinstra megin á miðjunni, við dreng sem situr yfirleitt á bekknum hjá sínum liði.

Það var ekki einu sinni litið á Arnar til að sjá hvað hann gæti, þó svo að vinstri kanturinn hafi verið vandræðastaða hjá landsliðinu nú í mörg ár.

Voandi kúvendir Lars Lagerbaeck um stefnu og velur bestu mennina í liðið, ekki bara menn eftir aldri (helst ekki eldri en 23 ára) eins og fyrirrennari hans gerði.

Svona að lokum má nefna að hinir Íslendingarnir í belgísku úrvalsdeildinni sátu allir á bekknum hjá liðum sínum allan tímann, eða voru alls ekki í leikmannahópnum. Samt eru þetta allt landsliðsmenn og í liðum í neðstu sætum deildarinnar, en ekki í þeim efstu eins og Arnar.

Arnar góður gegn meisturunum