Skrítin ákvörðun

Það er greinilegt að biskup er búinn að fá nóg af aðförinni að sér innan kirkjunnar - sem utan.

Hann er aðeins 64 ára gamall - verður 65 ára á næsta ári - og á þá tvö ár eftir í eftirlaunaaldur - og heilan fimm ára rétt til að sitjaáfram í embætti (verður þá fyrst 70 ára).

Það verður að líta svo á að þau öfl sem hafa unnið að því öllum árum að koma honum frá - hafi nú tekist það.

Og það verður einkar fróðlegt að sjá hverjir gefa kost á sér í embættið - enda má búast við að baráttan um það hefjist nú þegar því það er ekki til setunnar boðið.

Ég þori að veðja að tveir aðilar, sem helst hafa haft sig í frammi í undirróðrinum gegn biskupi, muni nú gefa kost á sér. 

Ég persónulega tel að það sé sjónarsviptir af Karli -og eftirmaður hans í embætti eigi eftir að eiga erfiða daga - ekki síst ef það verður einn undirróðursmannanna.

Kirkjan sem slík mun líða fyrir þetta í framtíðinni því það er ekki hægt að haga seglum eftir vindi í hverju einasta máli.

Karl lætur af embætti

Athugasemdir

[Maynard (IP-tala skráð) 12.11.2011 kl. 13:37]

Það eina skrýtna við þessa ákvörðun er að hún hafi ekki komið fyrr, þetta er síðan aftur á móti stór furðulegt blogg.

Besta í stöðunni væri síðan að leggja þetta embætti niður, ekki krýna enn einn apann einhverjum merkingarlausum titli.

[Torfi Kristján Stefánsson, 12.11.2011 kl. 14:05]

Biskup segir sjálfur í samtali vegna þessar ákvörðunar sinnar að forystumenn í  dag njóti engir friðarstóls - og er það orð að sönnu.

Það er reyndar furðulegt hversu lengi mannorðsmorð og óhróður um fólk lífs og liðin er látinn viðgangast hér á landi.

Framkoman gagnvart biskupi er eitt dæmi um þessa miklu hörku sem nú er í gangi í allri umræðu.

Ég hélt að fólk ætlaði að láta Breiviksmálið sér að kenningu verða en þar hafði hatursáróðurinn skelfilegar afleiðingar.

Svo virðist alls ekki vera heldur kemst fólk upp með alls konar persónuníð - og enginn er ákærður fyrir slíkt, heldur hampað þvert á móti fyrir það.

Þetta getur ekki endað nema á einn veg ....

[Agla, 12.11.2011 kl. 21:57]

Mér er ofar skilning hvað "Breiviksmálið" kemur þessu við.