Óvíst hvort Birkir vilji samning!

Þetta er nú nokkuð skondin frétt, því Birkir hefur ekki viljað semja við félagið fram að þessu. Viðbrögðin hjá félaginu hafa reyndar verið mjög harkaleg, Birkir iðulega setið á bekknum til að þvinga hann að samningaborðinu og stuðningsmenn félagsins lagt hann í einelti á blogginu.

Hareide ætti raunar að hugsa meira um sína eigin stöðu því alls óvíst er hversu lengi hann verður hjá félaginu. Hann verður t.d. ekki þjálfari liðsins áfram.

Þá eru fleiri lykilmenn Vikings að hverfa á braut, svo sem pólski leikmaðurinn Sokolowski sem hefur verið akkerið á miðjunni í leik liðsins.

Viking er með ríkari klúbbum í Noregi, en hafa þó aldrei tímt að borga Birki "sæmileg" laun. Meðan Indriði Sigurðsson var með 1.766.619 norskra króna í laun á síðasta ári var Birkir "aðeins" með 944.653 Nkr. Til samanburðar var Birkir Már Sævarsson í Brann með 1.400.927 Nkr (þetta má margfalda með yfir 20 kr. til að fá launin í íslenskum krónum).

Að lokum má nefna að Birki hefur alls ekki leikið með "aðalliði" Vikings í sex ár. Hann var leigður til Bodö Glimt í tvö ár og sló þar í gegn - og komst loksins eftir það í aðallið Viking.

 

Óvissa með Birki í Stavanger