Skrítið!

Já, þetta er merkilega ákvörðun ráðherra. Nú ákveður hann að allir hlutaðeigandi aðilar leggi fram gögn í málinu - og að eftir það verði tekin ákvörðun um friðun!

Þetta ferli getur tekið langan tíma. Á meðan geta Þorláksbúðarmenn haldið áfram framkvæmdum og eflaust klárað þær, enda sjálf grindin nánast tilbúin inni í skemmu.

Eftir það verður enn erfiðara að friða svæðið og láta fjarlægja búðina - kostnaðurinn verður jú orðinn svo mikill!

Var ekki nær að samþykkja skyndifriðunina og láta alla hlutaðeigandi leggja fram sín gögn meðan á henni stæði?

Þessi systkin, börnin hans Jakobs, af Thoroddsenættinni (samkvæmt Braga Kristjóns!) fara ekki alltaf troðnar slóðir. Það fer að verða kominn tími á sálfræðistúdíu á þeim ...

Fellst ekki á friðun

Athugasemdir

[Árni Árnason (IP-tala skráð) 22.11.2011 kl. 21:54]

Þetta er alveg hárrétt ákvörðun hjá henni. Ef þessi  Þorláksbúð á að standa einhvers staðar er það akkúrat þar sem hún var upphaflega. Það að hún er á skakk og skjön við seinni tíma kirkju er bara sjarmerandi.

þorláksbúð á rétt á sínu plássi, hún er skemmtilegt innlegg í sögu okkar og virðingarverð fyrir þær sakir að þeir sem byggðu hana héldu í alvöru að guð væri til að að það myndi gera líf þeirra bærilegra að byggja honum tilbeiðsluhús. Skálholtskirkja hin nýja er aftur á móti byggð af apparati sem snýst um rassgatið á sjálfu sér og vel launuð innistörf fyrir hræsnara.

Svo er hitt auðvitað alveg fráleitt að einhver arkitektaelíta geti stjórnað því hvað gert er í stórum radíus umhverfis minnisvarða þeirra um sjálfa sig.

 Ég vona að Þorláksbúð rísi sem fyrst og menn sjái að það eru nútíma hræsnararnir sem eru að skyggja á raunverulega fegurð, en ekki öfugt. 

[Gunnlaugur Ingvarsson (IP-tala skráð) 22.11.2011 kl. 22:00]

Rétt ákvörðun hjá Katrínu T. Jakobsdóttur. Tek einnig algerlega undir með commenteranum hér að framan "Árna Árnasyni". Klárið að byggja Þorláksbúð í landi Skálholts sem allra fyrst !

[FORNLEIFUR, 23.11.2011 kl. 14:15]

Þetta er alröng ákvörðun hjá henni Katrínu.

Þorláksbúð var friðlýst árið 1927 af Matthíasi Þórðarsyni þáverandi þjóðminjaverði. Stóra spurning er hvernig menn hafa geta farið fram há þeirri friðlýsingu án þess að brjóta lög.

[Árni Árnason (IP-tala skráð) 23.11.2011 kl. 22:32]

 Hverjar eru forsendur friðlýsingarinnar frá 1927 ?

 Eru þær að ekki mætti fara með jarýtu á tóftina og skrapa henni og öllu sem undir er í burtu ?

 Er það kannski brot á þeirri friðlýsingu að byggja steinklumpinn sem nú er búið að troða alveg ofan í Þorláksbúð ?

 Hver gætti hagsmuna kirkjusmiðanna sem reistu Þorláksbúð ? Eru þeir eitthvað ómerkilegra fólk en arkítiktúrar nútímans ?

 Hver leyfði byggingu skálholtskirkju nútímans ? Brýtur hún ekki upp" samhljóm Þorláksbúðar við umhverfið "? ( uppskafnings orðalag arkítiktúra)

 Er ekki einmitt í fullu samræmi við friðlýsingu fornminja að byggja yfir þær eftir bestu fáanlegu heimildum um fornt byggingarlag, án þess að raska því sem undir er ?

 Kannski Fornleifur getu svarað þessu ? 

[Torfi Kristján Stefánsson, 24.11.2011 kl. 07:51]

Svona svona Árni gæðingur!

Ég taldi eðlilegast - og í raun sjálfsagt - að stöðva framkvæmdirnar við Þorláksbúð á meðan öllum gögnum um málið væri safnað og skorið úr um það hvort framkvæmdin væri lögleg eða ekki.

Í stað þess gaf ráðherra eftir þrýstingi hinna framkvæmdaglöðu og leyfir áframhaldandi framkvæmdir. Afleiðingarnar eru nú þegar ljósar. Lokið verður við að reisa bygginguna á nokkrum dögum. Þá verður erfitt að snúa við og ákveða að taka hana niður að nýju.

Í raun var ráðherra með þessu að gefa grænt ljós á bygginguna með þessu, án þess að undangengin rannsókn á lögmæti hennar færi fram.