Kjaftæði!

24.11.2011 | 08:20

Það vita það allir að Heiðar hætti að gefa kost á sér eftir að Ólafur Jóhannesson valdi hann ekki í landsliðið í sumar, heldur mann eins og Alfreð Finnbogason.

Sú viturlega ákvörðun hafði þær afleiðingar að landsliðið hafði engan framherja í liðinu í síðasta leiknum en þurfti að notast við kantmanninn Rúrik Gíslason sem senter!

Heiðar er auðvitað of stoltur til að sitja undir slíku - hvað þá aftur - og vill eflaust fá tryggingu fyrir hjá Lagerbaeck að það komi ekki fyrir aftur.

Annars er ljóst að Svíinn er undir pressu frá forystu KSÍ um að nota ungu mennina frekar en þá gömlu. Yfirlýsingar hans benda í þá átt.

Það er þó ekki víst að það verði raunin þar sem Lagerbaeck var þekktur fyrir það, meðan hann var með sænska landsliðið, að velja besta liðið en ekki það efnilegasta.

Mér finnst að hann eigi að halda því áfram og hunsa kröfur innlendra aðila um annað.