Nú reynir á Oddnýju!

Athyglisvert er að heyra í hinum nýja fjármálaráðherra um hið hefðbundna væl í ASÍ-forystunni. Mjög alvarlegt mál segir Oddny og á þá við kvartanir Gylfa og félaga m.a. vegna aukinnar skattlagninu á lífeyrissjóðina.

Það er nokkuð fyndið að sjá fullyrðingu Gylfa um að þetta "eru atriði sem eru mjög sár og snerta þá félaga okkar sem bera minnst úr býtum."

Aukin skattlagning lífeyrissjóðanna þýðir það eitt að þeir hafa ekki alveg eins mikla peninga til að kaupa upp fyrirtæki hér á landi - né erlendis þegar gjaldeyrishöftin verða afnumin.

Þá er einnig merkilegt að ASÍ standi gegn því að mjög illa staddur ríkissjóður fái aukna fjármuni til að halda upp velferðarkerfinu (nú kvarta t.d. Norðfirðingar stórum yfir minni fjárveitingum til spítalans þeirra).

Það er af sem áður var þegar verkalýðshreyfingin var helsti málsvari velferðarkerfisins. Nú er hún orðinn helsti málsvari brasksins.

Vonandi fellur Oddný ekki fyrir vælinu. Hætt er þá við að Steingrímur og VG fari að sjá eftir fjármálaráðuneytinu.

 

Forsendubrestur í samningum