Með vitund og vilja iðnaðarráðherrans?

Fram hefur komið í fréttum að þessar þreyfingar "bæjarstjórans" í Norðurþingi (er hann ekki frekar sveitarstjóri?) séu tilkomnar að frumkvæði iðnaðarráðherra. Séu liður í því að koma Núbó garminum fyrir á Grímsstöðum til frambúðar!

Það ætti því að hringja einhverjum varúðarbjöllum í ráðuneytinu þegar "bæjarstjórinni" og fleiri sveitarstjórnarmenn nyrðra eru farnir að tala opinskátt um að sniðganga lög í landinu með því að gerast leppur fyrir Kínverjann (og láta svo líta út á pappírum að það séu þeir sem kaupa jörðina, ekki hann!).

Nema auðvitað að þetta sé einmitt einn liðurinn í áformum iðnaðarráðherrans.

Þá fer maður að spyrja sig hvort það sama hafi átt sér stað þegar Magma keypti hlut HS Orku, að sjálft ráðuneytið hafi lagt það til við þá að stofna skúffufyrirtæki í Svíþjóð til að geta keypt fyrirtækið?

Og til að teygja þetta ennþá lengra má spyrja hvort ráðherrann hafi einnig bent forráðamönnum Magma hvernig hægt væri að komast hjá því að greiða skatta hér á landi?

Já, snilld iðnaðarráðherra ríður ekki við einteyming. Nýjasta rósin í hnappagatið er gagnaverið sem verið var að opna núna í vikunni. Eftirsóknin í þetta mikla atvinnuuppbyggingarframtak er svo mikil að eitt heilt (hálft?) fyrirtæki er farið að nýta sér aðstöðuna!!

Já, þau kosta ekki síður atvinnuuppbyggingarframtökin í boði Samfylkingarinnar nú en þau kostuðu fyrir hrun í boði sömu aðila.

 

Fundar áfram með Huang Nubo