Mætti byrja betur!

Það hefur lögum verið sagt um Lagerbäck að hann sé ekki mikið fyrir að taka áhættur né vera nýjungagjarn, hvorki við val á leikmönnum né á leikskipulagi.

Þetta ætlar að sannast strax við valið á landsliðshópunum tveimur sem greinilega eru A- og B-landslið Íslands (enginn úr a-liðinu í b-liðinu).

Maður gæti haldið að Óli Jó. væri enn landsliðsþjálfari, nema fyrir það að þá væri Ragnar Sigurðsson ekki í hópnum (og Theódór Elmar ekki í B-hópnum). Hér hlýtur heimalningurinn, Heimir aðstoðarþjálfari, að ráða miklu.

Enn er verið að dröslast með menn eins og Alfreð Finnbogason, sem kemst yfirleitt ekki einu sinni í leikmannahópinn hjá slöku liði í Belgíu.

Hvað varðar val á varnarmönnum vekur athygli að fastamaður í liði Gautaborgar, Hjálmar Jónsson, kemst ekki í a-hópinn meðan varamaðurinn þar, Hjörtur Valgarðsson, kemst í hann.

Hvað miðjumennina varðar þá er í raun sama sagan þar nema týndu mennirnir Kári Árnason og Emil Hallfreðsson eru komnir aftur. Auðvitað er gaman að sjá Kára þarna en það er spurning um rauðhærða tröllið hann Emil. Hann er ekki sá liprasti sem hefur sést á fótboltavellinum.

Þá er enn verið að velja Rúrik og Jóhann Berg þó þeir eigi í erfiðleikum í félagsliðum sínum.

Hér vantar reynda og öfluga menn eins og Helga Val Daníelsson og Ara Skúlason en þeir eru þó í B-liðinu. Einnig má nefna Eyjólf Héðinsson en hann var ekki einu sinni valinn í æfingarhópinn í janúar svo það mátti búast við þessu hvað hann varðar.

Hvað sóknarmennina varðar þá er valið kannski hvað grátlegast. Engir alvöru framherjar eru valdir, heldur aðeins sóknartengiliðir. Gunnar Heiðar Þorvaldsson (Norrköping) er kannski sá eini sem spilar þessa stöðu, Aron Jóhannsson (AGF) annar en hann er valinn í hvorugt liðið.

Kannski er þetta síðasta góðs viti fyrir 21 árs liðið því annar leikmaður 21 árs liðsins Björn Bergmann Sigurðarson er ekki heldur valinn. Vonandi fær 21 árs liðið að hafa þessa menn í friði fyrir eldra liðinu.

Valið vekur því vonbrigði hjá mér og gæti bent til enn eins niðurlægingartíma í íslensku karlafótbolta.

Lagerbäck valdi tvo landsliðshópa

Athugasemdir

[Torfi Kristján Stefánsson, 10.2.2012 kl. 18:32]

Jamm, reyndist rétt hjá mér. Bæði Aron og Björn Bergmann eru í 23 ára liðinu.

Hins vegar vekur athygli að Eyjamaðurinn Þórarinn Ingi er bæði í 23 ára liðinu og í B-hópnum. 

Er hann virkilega svona góður, betri en Björn Bergmann og Aron?