Varamannabekkurinn miklu betri en byrjunarliðið!

Maður fer nú að efast um að KSÍ hafi gert rétt með því að gera Lars Lagerbäck að landsliðsþjálfara. Ekki vegna þess að Íslendingar geta hvorki skrifað nafnið hans rétt, né sagt það rétt (ekki skrifað "Lägerback" eins og skrifað er í fréttinni og ekki sagt Lagerbakk, heldur Lagerbekk!) heldur vegna þess að hann var þegar orðinn afdankaður sem þjálfari þegar hann var ráðinn.

Árangur hans sem landliðsþjálfari Svía var orðinn lélegur undir lokin (sbr. ummæli eins af lélegri landsliðsmönnunum sænsku um hann, Matthias Jonson: “Það er erfiðara að detta út úr liðinu en komast í það.”) og svo var frammistaða hans með landsliði Nígeríu á síðasta HM algjört fíaskó. Auk þess hefur hann aldrei þjálfað félagslið (rétt eins og fyrri fíaskó-in, Ásgeir Sigurvinsson og Eyjólfur Sverrisson) en það stóð honum mjög fyrir þrifum þegar hann þjálfaði Svíana.

Orð Jonsons eru einmitt hættan sem maður sér við valið á leikmönnum. Að þeir sem eru valdir, verði þar að eilífu en hinir sem ekki eru valdir fái aldrei sjens.

Tekið skal fram að hér eru um B-landslið að ræða og langur vegur þaðan og í A-liðið. Sérstaklega fyrir þá sem sitja á bekknum.

Ég hef sterkan grun um að menn eins og Steinþór Þorsteins, Ari Skúla og Elfar Helga, jafnvel Halldór Orri  sjái hvað er að gerast og hætti að gefa kost á sér í landsliðið.

Sérstaklega í ljósi þess hverjir voru valdir í liðið í staðinn. Það hlýtur að vera niðurlægjandi upplifun.

 

 

Íslendingar lágu fyrir Japönum í Osaka

Athugasemdir

[Torfi Kristján Stefánsson, 24.2.2012 kl. 11:40]

Breytingarnar í hálfleik sýna vel vandræðaganginn í þjálfaranum. Hann veit greinilega ekki sitt rjúkandi ráð, eftir slaka frammistöðu í fyrri hálfleik!

Gunnleifur Gunnleifsson, Steinþór Freyr Þorsteinsson og Skúli Jón Friðgeirsson eru komnir inná fyrir Hannes Þór Halldórsson, Guðmund Kristjánsson og Matthías Vilhjálmsson.

En sá sem er með einhverjar bestu meríturnar í liðinu (ásamt Gunnari Heiðari, Helga Val og Hjálmari), Ari Skúlason, situr enn á bekknum!