Villandi myndbirting - og frétt

Það er ljóst að Mogginn og íhaldið er að reyna að láta líta svo út að Álfheiður og fleiri þingmenn (Steingrímur t.d.) hafi verið að hvetja til árása á lögregluna, eins og ætla mátti einnig af fyrstu fréttum af Geiri Jóni.

Það er hins vegar tvennt ólíkt að vera fylgjandi mótmælunum sem slíkum, sem Vinstri grænir voru auðvitað, eða verið fylgjandi ofbeldi gagnvart lögreglunni. "Hvatning" Álfheiðar, ef einhver var, beindist að þeim mótmælendum sem fóru bak við alþingishúsið og inn í alþingisgarðinn til að trufla þinghaldið.

Þar var ekki ráðist á neina löggu, heldur þvert á móti. Það var lögreglan sem réðist á mótmælendur, handjárnaði þá, "meisaði" þá og fótbraut einn nærstaddan af einskærum fautaskap.

Ef það ætti að rannsaka framferði einhvers, þá er það framferði sérsveitarmanna lögreglunnar í alþingisgarðinum og í kringum viðbyggingu alþingis þennan dag.

Brosti og hvatti fólk áfram