Slakur leikur

Munur á liðinu er aðeins einn, Kolbeinn Sigþórsson. Annars er íslenska liðið frekar lélegt en þó hefur Jóhann Berg verið að ná góðum fyrirgjöfum og lagði upp markið.
Liðið leikur allt of hægt og er hugmyndasnautt. Þá var Aron Einar að brjóta af sér illa í fyrri hluta hálfleiksins og það á hættulegum stöðum - og svo var auðvitað ljótt að sjá til Birkis Bjarnasonar þegar hann fékk að sjá gula spjaldið.

Svo skil ég ekki af hverju Bjarni Guðjóns er látinn lýsa leikjunum, eins hlutdrægur og leiðinlegur og hann er.

Að lokum má nefna að Noregur var að tapa fyrir heima fyrir Grikkjum (2-3). Það var þó ekki vegna innáskiptinga því það fór að ganga betur eftir að sex leikmönnum var skipt útaf (og inná!).
Ég efast um að Lars skiptir inná nema þeim tveimur sem hann skiptir nú í hálfleiknum, svo íhaldssamur og hugmyndasnauður er garmurinn.

Kolbeinn skoraði tvö í fyrsta sigri Lagerbäcks

Athugasemdir

[Torfi Kristján Stefánsson, 15.8.2012 kl. 21:47]

Sama má segja um seinni hálfleikinn. Munurinn á liðinum er Kolbeinn Sigþórsson. Færeyingarnir voru þó mun betri en íslenska liðið í seinni hálfleiknum.

Íslenska liðið lítur alls ekki vel út fyrir undankeppni HM - og er greinilega ekkert með betri leikmenn en Færeyingar. Gegn sterkari liðum verður þetta mjög erfitt.

Sænski þjálfarinn er greinilega ekki að gera neitt sérstakt með liðið og liðsvalið hlýtur að verða gagnrýnt. Það er t.d. furðulegt að Alfreð Finnbogason hafi ekki verið settur inná í seinni hálfleik svo sem fyrir Birki Bjarnason sem átti slakan leik (auðvitað hefði hann átt að byrja leikinn). Þá hefði alveg mátt setja Alfreð inná frekar en Arnór Smárason þegar Rúrik var tekinn útaf.

En það er greinlegt að menn í lélegri leikæfingu, eða í neðstu liðum í deildunum sínum (eins og Arnór), eru frekar valdir í liðið en sjóðheitir leikmenn eins og Alfreð.

Sama sá segja um byrjunarliðið (maður í 4. deildinni ensku í liðinu o.s.frv.). Hvernig ætli það gangi nú gegn sterkum landsliðum?

Og hvað ætli þjálfarinn kosti íslenska knattspyrnusambandið?