Ótrúlegt miskunnarleysi og mannhatur

Lýsingin í norska sjónvarpinu á morðunum í Útey er ótrúleg. Þau myrtu voru flest hver skotin margsinnis, 3-4 fjögur skot hvert. Um var að ræða hreina aftöku.

Þá er athyglisvert að frá þeim tíma sem Breivik hringdi fyrst í lögregluna og þar til hann var loks handtekinn leið meira en hálftími (33 mín.). Á þeim tíma náði hann að drepa 27 manns! 

Þó hafa fáir í stjórnsýslunni verið látnir taka poka sinn, innan lögreglunnar eða í ráðuneytunum, í raun enginn en einhverjir sagt sjálfir af sér.

Þá er dómurinn auðvitað furðulega vægur hvað sem hver segir - og skrítið að hann var ekki til lífstíðar.

En líklega er hinn kristni kærleikur og fyrirgefningin svo ríkur þáttur í þjóðarsál Norðmanna, ekki síst ef morðinginn er ljóshærður - og einn af þeim. A.m.k. eru norskir fjölmiðlar - og fleiri - ófeimnir við að birta myndir af þessum "geðþekka" fjöldamorðingja.

Og nú þegar þetta er skrifað eru pólitíkusarnir að nýta sér sviðsljósið, þegar hlé er á upplestri af ódæðinu, og lýsa brosandi yfir gleði sinni yfir hinum væga dómi.

Aðstandendur fegnir sakhæfismati

Athugasemdir

[Torfi Kristján Stefánsson, 24.8.2012 kl. 11:12]

Eitt enn. Breivik fékk að ganga um og drepa fólk í eyjunni í fimm korter eða frá 17.17 til 18.34

Ég man þegar fréttirnar bárust af handtöku hans, hvernig hver og einn ráðamaðurinn í Noregi steig fram og hrósaði lögreglunni fyrir snarræðið. Þar á meðal var Stoltenberg, dómsmálaráðherrann, innanríkisráðherrann, yfirlögreglustjórinn osfrv.

Allir nema tveir sitja enn í embættum sínum - og það þrátt fyrir mjög harðorða rannsóknarskýrslu þar sem yfirvöld fá mikla gagnrýni.