Hvernig er liðið?

Er virkilega ekki enn búið að velja liðið, nú einum og hálfum tíma fyrir leik??
Þessi feluleikur með liðið er að verða virkilega hlægilegur hjá Lagerbaeck og engum gerður greiði með því!
Pukur sem þetta gerir mann fráhverfan því að fylgjast með leiknum, svo hætt er við að stemmningin fyrir landsliðið minnki hratt ef þetta heldur áfram - og verði bráðum svipuð og hjá Óla Jó.

Reyndar hefur heyrst af vali liðsins en það er ekki enn opinberlega staðfest svo ég viti. Sú uppstilling kemur ekki á óvart enda er landsliðsþjálfarinn mjög íhaldsamur maður.
Kannski verður þetta liðið næstu árin eða allt þar til Lars hættir?
Samkvæmt því þá byrjar Alfreð Finnbogason ekki frekar en fyrri daginn.
Varla batnar hagur hanns þegar Kolbeinn kemur aftur inn í liðið (og jafnvel Björn Bergmann. Nema auðvitað að lið eins og Chelsea eða Barcelona kaupi hann og hann slái einnig þar í gegn. Þá snýst landsliðsþjálfaranum kannski hugur:

Markvörður: Hannes Þór Halldórsson
Hægri bakvörður: Birkir Már Sævarsson
Miðvörður: Sölvi Geir Ottesen
Miðvörður: Ragnar Sigurðsson
Vinstri bakvörður: Bjarni Ólafur Eiríksson
Miðjumaður: Aron Einar Gunnarsson (f)
Miðjumaður: Helgi Valur Daníelsson
Hægri kantmaður: Rúrik Gíslason
Vinstri kantmaður: Emil Hallfreðsson
Sóknarmaður: Gylfi Þór Sigurðsson
Sóknarmaður: Birkir Bjarnason

Klukkan 16.01 kom loks fréttin um liðskipanina sem er þessi hér að ofan.

Ísland tapaði í fyrsta skipti gegn Kýpur

Athugasemdir

[Torfi Kristján Stefánsson, 11.9.2012 kl. 17:58]

Ekki var leikur íslenska liðsins góður í fyrri hálfleik. Menn eru að missa boltann alltof oft og svo er tengslin milli miðju og varnar mjög losaraleg.

Þeir sem eru sínu verstir í hálfleiknum eu Bjarni Ólafur í vinstri bakverðinum. Hann er alltof seinn og hikandi, auk þess sem hann er að brjóta klaufalega af sér. Þá kemur lítið út úr Emil og hann mikið út úr stöðu.

Birkir Bjarnason er lítið með í spilinu en fengið tvö fín færi, sem hann klúðraði.

Auk þess sést lítið til Rúriks en hann er að vinna varnarvinnuna ágætlega.

Það þarf að breyta liðinu sem fyrst í seinni hálfleik og fá betur leikandi menn inn.

Vonandi fær maður að sjá Ara Frey, Jóhann Berg og síðast en ekki síst Alfreð inn á snemma í hálfleknum, í stað Bjarna, Emils og Birkis Bjarna.

[Torfi Kristján Stefánsson, 11.9.2012 kl. 18:59]

Merkilegt með þessan súper(dýra)þjálfara. Hann er ekkert betri en munntóbakskarlinn Óli Jó.

Síðasta skiptingin í lieknum sýndi algjört ráðleysi. Helgi Daníelsson tekinn útaf (en ekki Birkir Bjarna), Jóhann Berg inn á og settur á sinn gamla stað á vinstri kanti - og besti sóknarmaðurinn okkar, Gylfi Þór, tekinn úr sókninni og settur inn á miðjuna!

Nei mætti ég þá biðja um Óla Jó. aftur. Hann hefur þó aldrei tapað með liðinu á Kýpur (tvö jafntefli!).