Ósannindi?

Samkvæmt mínum kokkabókum er þetta ekki satt hjá Ólafi þ.e. að hann hafi verið í byrjunarliði Waregem í átta leikjum af 14.

Reyndar nenni ég ekki lengra aftur en í síðustu fjóra leiki en þar var Ólafur Ingi aðeins í byrjunarliðinu í einum leik (11. umferð). Í hinum leikjunum kom hann inná í blálokin (10. umferð), 78. mín (12. umferð), 48. mín (13. umferð) og 82. mín (14. umferð).

Ég leyfi mér að fullyrða að þetta sé einnig saga hans í fyrstu níu umferðunum (og tel mig hafa statistík yfir það). Stefán Gíslason hefur hins vegar leikið nær alla leiki síns liðs (og allt til enda) og það lið, Leuven, er ekki langt á eftir Waregem í belgísku deildinni. 

Það væri því nær að hafa Stefán í landsliðshópnum  - og taka viðtal við hann - en árangur hans í haust er einhver sá besti sem íslenskur knattspyrnumaður hefur náð á tímabilinu.

„Stanslaus barátta um sæti í liðinu“

Athugasemdir

[Torfi Kristján Stefánsson, 6.11.2012 kl. 10:40]

Kannski er þetta rétt að vissu leyti hjá Ólafi!! Hann virðist hafa verið í byrjunarliðinu hjá Waregem í fimm fyrstu umferðunum (en þá ekki valinn í landsliðið). Liðinu gekk þá ekki vel og var hann t.d. tekinn útaf í hálfleik í 6. umferðinni (veiki hlekkurinn?). Eftir það hefur hann meira og minna setið á bekknum, og aðeins komið inná undir lok leikjanna (en þá valinn í landsliðshópinn!), og liðinu gengið mjög vel án hans.