Heppnissigur!

Jæja, eins gott að sigur vannst! Vörnin slök og miðjan hjálpaði henni lítið. Sérstaklega lá á Birki í hægri bakverðinum og Aron Einar eins og venjulega langt í burtu og hjálpaði Birki ekkert. Nafni hans var sá eini sem sýndi lit. Þrjú dauðafæri hjá vinstri kantmanni Slóvena sýna það best. Þar bjargaði aðeins Hannes í markinu.

Þá var valið á Sölva greinilega rangt og heppni að hann var ekki rekinn út af (eins og gerðist í síðasta leik sem hann lék fyrir landsliðið).

Þá var skiptingin á Alfreð og Jóhanni Berg mjög skrítin, enda sýndi Jóhann Berg ekkert í leiknum.

Einnig var Emil slakur og hefði aldrei átt að byrja inná.

Gylfi Sigurðsson er auðvitað snilldar sparkmaður og á þennan sigur með Hannesi markmanni, þrátt fyrir lélegt val og lélega stjórnun liðsins í leiknum.

Glæsimörk Gylfa tryggðu sigurinn í Ljubljana

Athugasemdir

[Torfi Kristján Stefánsson, 22.3.2013 kl. 19:36]

Norðmenn eru undir gegn Albaníu (0-1) þrátt fyrir að eiga heimaleik og aðeins 10 mínútur eftir!

[Torfi Kristján Stefánsson, 22.3.2013 kl. 19:55]

Norðmenn töpuðu og þóttu einkar súrt að Íslendingar unnu. Viðbröðgin voru m.a þessi um frammistöðu norska landsliðsins: "Dette er verdens desidert dårligste fotball lag, de greier absolutt ingenting. Ubrukelig. Kommer aldri til å kvalifisere seg til noe sluttspill, før Riise har lagt opp for 50 år siden og resten av laget er 70+."