Þvílíkt stress!

Ekki var þetta nú góður leikur hjá íslenska liðinu og stjórnun Lars Lagerbäck á liðinu oft á tíðum furðuleg.

Norðmenn voru mun betri í leiknum og íslenska liðið í nauðvörn á löngum köflum. Samt var aðeins einum leikmanni íslenska liðsins skipt inná þar til venjulegum leiktíma var lokið, meðan Norðmenn skiptu öllum sínum mönnum inná og það vel tímanlega. Þeir virtust hafa miklu meiri áhuga á að vinna leikinn en við, þó svo að hann skipti þá engu máli!

Og þvílíkir sauðir sem eru í panelnum hjá RÚV , Adólf Ingi, Kristján Guð og Pétur Marteins: ("Eiður svo góður að það var unun að horfa á hann", en Eiður sást varla í leiknum!!).

Gott að komast í umspilið en þar eigum við ekkert erindi ef stjórnunin á liðinu á að vera þessi.

Sem dæmi má nefna aðdáun landsliðsþjálfarans á Birki Bjarnasyni (og þar eru fleiri samsekir!). Maðurinn er alls ekki góður en samt spilar hann alla leiki og er aldrei skipt útaf.

Ísland í HM-umspil í fyrsta sinn