Dapur fyrri hálfleikur

Ekki var nú spilamennskan burðug hjá íslenska landsliðinu í fyrri hálfleik. Lítil færsla á sóknarmönnunum, einkum Eið sem varla hreyfði sig úr sporunum. Þarna sást vel munurinn á honun og Kolbeini sem hleypur allan tímann.

Þá sást Birkir Bjarnason varla í leiknum og hlýtur að vera sá sem fer fyrstur af velli, vonandi núna strax í hálfleik fyrir Rúrik Gíslason sem er miklu öflugri leikmaður.

Þá væri gott að hvíla Eið sem fyrst og setja Gylfa Þór framar á völlinn. Í stað hans er Emil Hallfreðsson og Helgi Valur góðir kostir sem varnartengiliðir.

Þetta gengur greinilega ekki svona - og auk þess er nú færi þegar Króatar eru einum færri - að stokka upp liðið og sækja grimmar, rétt eins og sást núna loksins í lok hálfleiksins.

Þetta er prófraun Lars Lagerbäck. Stenst hann pressuna og þorir að breyta til eða ætlar hann að lulla svona áfram með liðið og sjá möguleikann á þátttöku á HM í Brasilíu að ári fjara smám saman út - og þar með framtíð sína sem alvöruþjálfari einnig?

Draumurinn úti - Króatar á HM

Athugasemdir

[Torfi Kristján Stefánsson, 19.11.2013 kl. 20:22]

Vá 2-0 strax í byrjun seinni hálfleiks og Króatar manni færri. Tvö mistök hjá "aðal" köllunum okikar, fyrst hjá Aroni Einari sem missti boltann illa (klaufskur að venju) og svo heimskuleg sending hjá Gylfa Þór.

Aðal skúrkurinn var svo hetjan í síðasta leik og í fyrri hálfleik núna, Hannes markvörður, sem missti auðvelt skot fram hjá sér og í markið!

Er ekki kominn tími til að skipta varamönnunum inná?

[Torfi Kristján Stefánsson, 19.11.2013 kl. 21:08]

Og Birkir Bjarnason lék allan leikinn (og engin síðasta skifting)!! Ætli hann og Lars Lagerbäck fari í bað saman eftir leikinn (samanber óskekkleg ummæli Tólfunnar um dómarann og Modric eftir fyrri leikinn)?

Jamm, vandamálið er ekki landsliðið heldur stjórnunin (valið) á því. Það sást vel á því þegar Emil kom inná. Leikurinn snarbreyttist þá, en því miður var rangur maður tekinn útaf.