Lélegur sóknarleikur nema hjá Aroni

Þetta lítur alls ekki nógu vel út. Eftir 4-4 í byrjun þá var staðan allt í einu 8-4 og engin ógnun í sóknarleik íslenska liðsins nema frá Aron. Snorri Steinn fékk að spila áfram langt frameftir hálfleiknum þrátt fyrir að hann dræpi niður allt tempó í leiknum og ógnaði ekkert.

Það verður að koma eitthvað nýtt til í sóknarleiknum ef ekki á að fara illa. Ólafur Guðmundsson og Gunnar Steinn Jónsson hafa ekkert verið notaðir. Af hverju ekki?

Ungverjar jöfnuðu í lokin

Athugasemdir

[Torfi Kristján Stefánsson, 14.1.2014 kl. 19:42]

Ekki var þetta gott þó svo að auðvitað beri að fagna að liðið sé komið áfram í milliriðil.

Stjórnun Arons Kristjánssonar landsliðsþjálfara á liðinu var léleg og spilað á sömu mönnunum rétt eins og venjulega.

Leikmennirnir verða orðnir vel þreyttir þegar líður á mótið, sérstaklega menn eins og Guðjón Valur, Aron og Arnór.

Einnig mæðir mikið á hægri vængnum vegna lítillar ógnunar frá leikstjórnandanum. Mér skilst að Snorri Steinn hafi leikið amk 40 mínútur í leiknum þrátt fyrir aðeins eitt mark og eina stoðsendingu.

Ólafur Guðmunds og Gunnar Steinn komu ekkert inná í leiknum. Spurning hvort ekki sé rétt að fækka leikmönnunum niður í 14 fyrst svo er?

Sem betur fer voru Ungverjarnir litlu betri - og leikurinn frekar lélegur - og því sæti í milliriðli í höfn. Við vorum greinilega mjög heppnir með riðil.

Næsti leikur er gegn heimsmeisturunum og þá kemst Ísland ekki upp með svona lélegan leik.

Hætt er við slæmum rassskelli ...