Leikur um 5. sætið?

Þetta er nú ótrúlegt að sjá. Ekki eitt einasta mark á fyrstu sjö mínútunum og aðeins tvö mörk á rúmum tíu mínútum!

Þetta er í raun enn dapurlegra en á móti Svíum en munurinn nú er sá að við erum að spila við mun lélegra lið. Enn eru Aron Pálma og Alex að klikka en bættu reyndar fyrir það undir lokin.

Einhver íþróttaféttamaðurinn sagði að þetta lið væri mun sterkara en liðið á síðasta HM (!) en það er augljóst að þetta lið er mun lélegra. Það er mun eldra og sömu leikmenn með nú og síðast, nema þeir ungu svo sem Ólafur Guðmundsson og Rúnar Kárason sem báðir fá að sitja heima meðan gamlingarnir eru valdir (og ofnotaðir) enn eitt árið.

Ég held að það sé fullreynt með Aron Kristjáns sem landsliðsþjálfara. Við eigum fullt af góðum þjálfurum sem eru að gera það gott á alþjóðavísu en Aron er því miður ekki í þeim gæðaflokki. 

Torsóttur en öruggur sigur á Alsír

Athugasemdir

[Torfi Kristján Stefánsson, 18.1.2015 kl. 17:53]

Þetta var skrifað í hálfleik en í raun breytir seinni hálfleikurinn ekki miklu. Lið Alsír var of slakt til þess.