Góð tíðindi fyrir landsleikina

Það er gott að sjá að Jóhann Berg sé í góðu formi um þessar mundir. Hann hefur verið einn albesti leikmaður landsliðsins undanfarið og farinn að skipta miklu máli fyrir liðið. Er gefinn í byrjunarliðið.

Það er hins vegar spurning um aðra fastamenn í landsliðinu. Landsliðsfyrirliðinn Aron Einar er kominn á bekkinn hjá Cardiff og hlýtur að vera hæpið að velja hann í byrjunarlið Íslands ef hann er ekki í leikformi. Ekki er ljóst hver leysir hann af hólmi nema þá Emil Hallfreðsson sem byrjar vel í ítölsku úrvalsdeildinni.

Þá er Gylfi Sig ekki í góðu formi í byrjun leiktíðar sem veit ekki á gott fyrir landsliðið. Hann er samt gefinn í landsliðið en Eiður Smári gæti leyst hann af eða þá einhver annar ef með þarf.

Það er óvíst um leikform fleiri manna en skandinavísku deildirnar eru þó á fullu og fá Íslendingarnir þar að spila mikið. Þeir eru hins vegar ekki lykilmenn í landsliðinu nema þá Kári Árna og Ari Freyr.

Tilkynnt verður um skipan landsliðsins nú í vikunni. Það verður spennandi að sjá hvort Arnór Ingvi verði valinn en lið hans Norrköping er spútniklið sænsku úrvalsdeildarinnar í ár. Þá er Hólmar Örn einnig að spila mikið með efsta liði norsku úrvalsdeildarinnar, Rosenborg. Meira að segja Matthías Vilhjálmsson er þegar farinn að spila mikið með þessu nýja liði sínu og gæti verið góður í holunni fyrir aftan miðherjana.

 

Mark Jóhanns Berg í gær - myndskeið