Í næstu viku?

Þeir eru ekkert að flýta sér að velja íslenska karlalandsliðið í fótbolta, þjálfararnir, ekki frekar en venjulega!

Svíar og Norðmenn eru t.d. búnir að tilkynna sín lið, gerðu það í gær og í dag. Landsliðsþjálfarnir liðanna hafa þó ólíkan háttinn á. Svíinn velur sama lið og venjulega en sá norski stokkar rækilega upp. Hann velur ekki menn í liðið sem ekki eru í leikæfingu, þó svo að þeir séu búnir að vera fastamenn í landsliðinu lengi.

Spurning svo sem hvað þjálfarar íslenska landsliðsins gera. Ef þeir fylgja vananum gera þeir eins og sænski þjálfarinn, velja gömlu fastamennina í liðið þó þeir séu ekki í neinni leikæfingu.

Það sást til þeirra í deildarleikjum hér heima um helgina. Líklega voru þeir að skoða vinstri bakverðina, Kristinn Jónsson hjá Breiðabliki og Bjarna Ólaf Eiríksson hjá Val.

Varla þýðir það að Ari Freyr missir sæti sitt í bakvarðarstöðunni, þó svo að hann hafi verið að spila á miðjunni með liði sínu undanfarið. Hins vegar vantar varamann.

Svo virðist sem Theódór Elmar hafi fengið að vita að hann verði í hópnum, amk samkvæmt þessari frétt:

http://jyllands-posten.dk/sport/fodbold/superliga/agf/ECE7962043/Fire-AGF%E2%80%99ere-p%C3%A5-landshold/

 

Emil í liði umferðarinnar á Ítalíu