Fjöldi íslenskra miðvarða í atvinnumennsku

Það hlýtur að vekja athygli hvað við eigum marga knattspyrnumenn í atvinnumennsku sem spila miðvarðarstöðuna hjá félagsliðum þeirra.

Ragnar, Kári, Sölvi Geir og Hallgrímur voru valdir núna í landslishópinn í þessar stöður. Auk þess spilar Birkir Már í miðverðinum með sínu félagsliði.

Þá eru það Hólmar Örn Eyjólfsson (Rosenborg) og Sverrir Ingi Ingason (Lokeren) sem munu vera nálægt landsliðinu.

Einnig Guðlaugur Victor (Helsingborg/Esbjerg), Jón Guðni Fjóluson (Sundsvall) og Eiður Sigurbjörns (Örebro). Einnig gömlu mennirnir Indriði Sigurðsson (Viking) og Hjálmar Jónsson (Gautaborg). Þjálfari þess síðastnefnda segir að hann sé aldrei betri en nú! Alls 12 miðverðir í atvinnumennsku!

Það er ekki nema von að Guðlaugur Victor vonist til að fá að spila á miðjunni með sínu nýja félagi en þar er samkeppnin í landsliðinu ekki eins hörð og um miðvarðastöðuna - og meiri von um að vera valinn í þær stöður.

Annars er fjölmiðjar ytra að furða sig á kaupum Esbjerg á svona dýrum leikmanni (liðið keypti annan dýran leikmann á sama degi, þ.e. á síðasta degi áður en markaðurinn lokaðist). Kaupin munu vera hugsuð fyrir framtíðina og að liðið eigi að byggjast upp í kringum þessa tvo nýju leikmenn. 

Mikill heiður það fyrir Victor sem ekki hefur verið í náðinni hjá landsliðsþjálfurunum til þessa.

Korter í gjaldþrot