Hvað með sænsku meistarana?

Ég sé enga frétt um það hér á mbl.is að Arnór Ingvi Traustason hafi orðið Svíþjóðarmeistari með liði sínu Norrköping í dag, hvað þá að hann hafi gulltryggt titilinn með seinna marki liðsins (0-2) og þar að auki átt stoðsendinguna í fyrra markinu - og þar áður skot í slá.

Ekki vantar hins vegar fréttirnar úr ensku b-deildinni. Hvað mikið Jóhann Berg hafi leikið með fallkandidötum Charlton eða hvort Aron Einar hafi fengið að byrja með Cardiff eða þurft að dúsa á bekknum.

Kannski ekki nema von að Arnór Ingvi virðist ekki koma til greina í íslenska landsliðið þrátt fyrir stórleiki á leiktíðinni meðan b-deildarmennirnir eru fastamenn í liðinu sama hvernig eða hvort þeir spila með sínu félagsliðum og hvernig þeim gangi.

Nýr stjóri Jóhanns Bergs byrjar illa

Athugasemdir

[Torfi Kristján Stefánsson, 31.10.2015 kl. 18:51]

Biðst forláts! Fréttin er komin og meira að segja myndband með sláarskotinu, stoðsendingunni og markinu!! Hitt stenst auðvitað hjá mér.

Það eru fleiri en ég farnir að kalla eftir Arnóri í landsliðið svo sem þeir á visir.is