Slakur fyrri hálfleikur

Ekki eru nú b-liðsmennirnir sannfærandi hjá íslenska liðinu - og svo sem ekki "fastamaðurinn" Ragnar heldur. Lítið sést til framherjanna - og ekkert til nýliðans Garðars - auk þess sem Eiður er greinilega ekki í neinni leikæfingu. Sama má reyndar segja um þá fleiri svo sem Ragnar. Ég hef aldrei séð hann eins lélegan og gera jafn margar vitleysur og í þessum fyrri hálfleik.

Þeir sem virka ágætlega eru kantmennirnir og bakverðirnir, auk Sölva Geirs sem er góður í miðverðinum. Arnór Ingvi skoraði gott mark eftir undirbúning besta manns íslenska liðsins, Hjartar Valgarðssonar, og ágæt ógnun er hægra megin hjá Theódóri Elmari og Hauki Heiðari.

Legg til eftirfarandi skiptingar í seinni hálfleik: Matthías í stað Garðars, Kári í stað Ragnars, Björn Daníel í stað Eiðs Smára og Harald í markið í stað Ingvars.

Íslenskur sigur á Finnum í fyrsta leik ársins

Athugasemdir

[Torfi Kristján Stefánsson, 13.1.2016 kl. 18:03]

Seinni hálfleikurinn var betri hjá báðum liðunum.

Innáskiptingarnar í hléinu voru samt nokkuð skrítnar. Arnór Trausta og Viðar Örn teknir útaf en Garðar og Eiður fengu að hanga inni - og Eiður allan leikinn!

Haraldur var flottur í markinu og gerir tilkall til að vera þriðji markmaðurinn á EM. Annars voru það Theódór Elmar og Haukur Heiðar hægra megin á vellinum sem stimpluðu sig mest og best inn í EM-liðið.
Elmar var yfirburðarmaður í seinni hálfleik og fór mestallt spil íslenska liðsins fram í kringum hann. 

Sölvi Geir var einnig góður og Hólmar Örn reyndar einnig, en hann kom inná fyrir Ragnar Sig. Hjörtur Logi var stabíll í vinstri bakverðinum allan leikinn.

Aðrir juku ekki vonir sínar um að komast á EM. Vonandi fær Arnór Trausti að spila allan leikinn gegn Sam. furstadæmunum á laugardaginn þannig að hægt sé að sjá betur hvað hann getur. Sama má reyndar segja um Viðar Örn. Þeir fengu báðir að spila of lítið í þessum leik.