Ekki gott fyrir landsliðið

Talandi um að framlínan hjá íslenska karlalandsliðinu í fótbolta fái lítið að spila þessa daganna.
Miðjan er jafnvel enn verra stödd því landsliðsfyrirliðinn, Aron Einar, er kominn með fasta setu á bekknum hjá Cardiff og fær varla að koma inná um þessar mundir.
Það að sjálfur landsliðsfyrirliðinn komist ekki í lið hjá miðlungsfélagi í ensku b-deildinni lofar ekki góður fyrir EM í sumar þar sem landsliðið er að keppa við bestu leikmenn í Evrópu.

Sama má segja um annan miðjumann, Emil Hallfreðs, sem var að vísu að losna frá botnliði Verona en aðeins til að sitja á bekknum hjá Udinese, a.m.k. núna til að byrja með. 

Þá er einn sóknartengiliðanna, Jóhann Berg, að spila með liði í ensku b. deildinni sem stefnir rakleitt niður í c-deildina, nokkuð sem hlýtur að setja strik í reikninginn með val á honum í landsliðið. Nú er lið hans að leika við Fulham og eru veðmálin 1 á móti 20 Fulham í vil!
 
Staðan á miðjumönnum landsliðsins er því vægast sagt slæm - og getur varla verið verri. Það er reyndar aðeins vörnin sem þarf ekki að hafa miklar áhyggjur af.

Að vísu er Ragnar Sig. ekki í góðu formi um þessar mundir eins og æfingarlandsleikirnir sýndu en það hlýtur að lagast þegar rússneska deildin fer aftur af stað - og svo Evrópudeildin sem er þegar byrjuð.

Landsliðsfyrirliðinn byrjaði á bekknum