Af hverju allur þessi dráttur?

Þetta skattaskjólsmál er allt að verða hið undarlegasta miðað við hversu lengi það hefur dregist að gera eitthvað í málunum.

Hægt er að sjá ágætt yfirlit yfir þetta hér: http://www.visir.is/skattrannsoknarstjori-hefur-gert-munnlegt-samkomulag-vid-huldumann/article/2015150419489

Þar kemur m.a. fram að það eru nær tvö ár síðan gögnin frá HSCB-bankanum voru boðin til sölu. Í janúar í fyrra var von á niðurstöðu og í mars, þ.e. fyrir ári síðan, voru gögnin komin til landsins. Í kjölfarið var greitt fyrir þau, eða í byrjun sumars í fyrra.

4. nóvember í fyrra gaf fjármálaráðherra skattrannsóknarstjóra grænt ljóst með málið.

Nú fyrst heyrist eitthvað af því en þó ekki meira en svo að niðurstöðu er ekki að vænta fyrr en á næsta ári, þ.e. þremur árum eftir að málið kom upp á yfirborðið!

Hvað dvelur skattrannsóknarstjórann eiginlega?

Varla er hún enn að bíða eftir griðalögum fjármálaráðherra sem von var á í fyrravor og áttu að gilda frá 1. júlí í fyrra til 30. júní í ár, því af þeim hefur ekkert orðið.

Samt skilaði starfshópur á vegum fjármálaráðuneytisins tillögum í apríl í fyrra um að þeir sem eigi fjármuni í skattaskjólum geti talið þá fram til skatts hér á landi frá og með þessu tímabili og verði þá ekki kærðir fyrir skattsvik.

Svipaðar tillögur hafa orðið að lögum í nágrannalöndunum og gefist vel.

Af hverju ekki hér? Hvað dvelur fjármálaráðherrann eiginlega?

Blaðamannalistinn fer í rannsókn