Hringdi Jón Daði?

Það var nokkuð skondið það sem Rúrik Gíslason sagði fyrir skömmu. Það er, að það sé eins og sumir leikmenn erlendis hafi beint samband við blaðamenn og láta þá vita af "afrekum" sínum. Ekki kom fram við hvern hann átti en líklega er hér kominn leikmaðurinn, þ.e. Jón Daði.

Þessar síendurteknu fréttir af Jóni Daða eru auðvitað athyglisverðar því hann er að spila í slöku liði í þýsku b-deildinni.
Sérstaklega í ljósi þess að ekkert er sagt frá Rúrik og liði hans Nürnberg, sem er í harðri baráttu um sæti í efstu deild að ári.

Það á greinilega að koma Jóni Daða á EM, sama hversu lélega leiki hann á með íslenska landsliðinu. Verst er að ef af því verður - og hann fær einhverja leiki - þá er hætt við að íslenska landsliðið verði að athlægi.
Meiri klaufi með boltann er nefnilega vandfundinn eins og sást á kixinu í dauðafærinu í leiknum gegn Grikkjum.

 

Feykilegt öryggi hjá Jóni Daða - myndskeið