Kári harðlega gagnrýndur

Kári Árna var harðlega gagnrýndur í beinni lýsingu frá leiknum, þótti alltof hægur og með ónákvæmar sendingar. Háværar kröfur voru uppi um að hann yrði tekinn út úr byrjunarliðinu í næsta leik.

Ekki veit ég hvort Lars landsliðsþjálfari var á leiknum en Jönköping er í Smálöndum, ekki svo langt frá því þar sem Lars býr. 

Ekki veit ég heldur hversu duglegur hann hefur verið að sjá leiki með íslensku leikmönnunum ytra en hef grun um að það sé ekki í samræmi við þau laun sem hann hefur eða á 5. milljón á mánuði samkvæmt fréttum.
Þau ættu nú að geta borgað ferðakostnað Lagerbäcks og miðakaup - og kannski smá popp og kók á vellinum að auki.

Eitt er víst. Íslenska landsliðið á í vandræðum með aðra miðvarðarstöðuna, þ.e. þá stöðu sem Kári hefur leikið í. Kannski er Jón Guðni hugsanlegur valmöguleiki.

Þá fékk Viðar Örn ekki heldur góða dóma fyrir sinn leik, þannig að það er spurning hvort einnig hann sé nógu góður til að vera í hópnum á EM.

Fyrsta mark Jóns Guðna (myndskeið)