Hver sagði að kallinn væri íhaldssamur?

Sjö breytingar!
Margar orka þó tvímælis, svo sem að setja Jón Guðna inn í hafsentinn en ekki Hörð Björgvin. Fyrir margt löngu var Jón að spila öðru hverju með ágætu félagsliði í Rússlandi, Krasnodar (en var þó aldrei í byrjunarliði landsliðsins), en svo ekki söguna meir. Ávallt á bekknum og að lokum sagt upp samningnum - og félagslaus síðan. Enginn veit einu sinni hvort hann hafi verið að æfa fótbolta síðan þá - eða haldið sér í formi!
Á meðan er Hörður Björgvin að spila alla leiki, eða því sem næst, með jafnsterku liði í Rússlandi og því í ágætu formi en er ekki valinn!

Þá er það strákurinn Andri Fannar. Hann er jú að spila í sterkri deild, á Ítalíu, og í þokkalegu liði þar en hefur aldrei verið í byrjunarliðinu að ég held. Komið nokkrum sinnum inná. 
Reyndar má segja það sama um Birki Bjarna sem þó er að spila í mun lakara liði sem er falið úr ítölsku úrvalsdeildinni. Hann byrjar nær enga leiki og ef hann gerir það þá er hann snemma tekinn útaf.
Samt fær þessi náungi að spila alla landsleiki, og flesta frá upphafi til enda, þrátt fyrir að eiga flestar feilsendingar leik eftir leik og missa boltann oftast allra íslensku leikmannanna! Já vegir landsliðsþjálfaranna eru órannsakanlegir ...

Á bekknum eru menn eins og Jón Dagur sem átti fínan leik gegn Englendingum og í bronsliði dönsku deildarinnar. Þá fær Mikael Anderson ekki sjens þó hann spili nær alla leiki með dönsku meisturunum, Midtjylland, liði sem er enn í baráttunni um að komast í riðlakeppni meistaradeildarinnar.

Gott hins vegar að sjá Ögmund í markinu, Ara Frey í bakverðinum, Hólmar Örn í miðverðinum og Hólmbert í senternum. 
Spái Belgum 7-0 sigri!

Byrjunarliðið er klárt gegn Belgíu – sjö breytingar