Færri innlagnir og engin dauðföll

Sóttvarnarlæknir og fleiri hafa verið iðnir undanfarið við að halda því fram að kórónuveiran nú, í annarri eða þriðju bylgju, sé alveg jafn skæð og sú í fyrstu bylgjunni síðastliðið vor. Þetta þrátt fyrir að mun færri hafi lagst inn á spítala nú og engin dauðsföll orðið í haustbylgjunni. Trúlegt sem sé eða hitt þá heldur!

Danskir læknar eru heiðarlegri gagnvart almenningi en íslenskir kollegar þeirra og viðurkenna að veikindin séu vægari í þessari bylgju. Það merkja þeir einkun á færri innlögnum, dauðsfjöllum og að þeir sen lenda á sjúkrahúsum þurfa að dveljast þar mun skemur er venjan var í vetur/vor. Þetta síðastnefnda skiptir mestu máli fyrir sjúkrahúsin og gerir það að verkum að álagið á þau er miklu minna en í fyrstu bylgjunni (nú eru innlagnir að meðaltali í 4 daga en áður í hátt í níu daga).
Einnig skipta lyfin talsverðu máli til að hemja alvarlegustu veikindin, þ.e. lyfin Remdesivir og Dexamethason.

https://www.dr.dk/nyheder/indland/indlagte-coronapatienter-er-mindre-syge-end-i-foraaret

Hér á landi er hins vegar engin umræða um þetta - ekkert fjallað opinberlega um lyfjagjöf - og forsvarsfólk sjúkrahúsanna gefur í skyn að álagið sé gífurlegt!

Allt bendir því til þess að hér sé mikill blekkingarleikur í gangi - og hversu varasamt það er að láta heilbrigðisyfirvöld stjórna algjörlega ferðinni hvað varðar viðbrögð við veirunni - viðbrögð sem svo valda mun meiri skaða en sjálfur sjúkdómurinn.
Þetta var hér áður fyrr kallað hrossalækningar.

Ekki ber að oftúlka færri smit