Upphitunin

Snillingurinn Bjarni Guðjónsson byrjar upphitunina vel. 20.000 brjálaðir áhorfendur í Búdapest gegn íslenska landsliðinu nú í kvöld! Svo í lokin að Ungverjar hafi ekki átt nein færi, þegar þeir óðu í færum!! Þvílíkur sauður ...
Hann fylgist greinilega ekki nógu vel með, því fyrir nokkrum dögum var sagt frá því að engir áhorfendur yrðu leyfðir á leiknum!

Gamla liðið er greinilega búið að vera. Þvílík pressa á liðið frá 60 mín. eða eftir að Ungverjar skiptu inná tveimur mönnum. Fyrst eftir þriðju skiptingu hjá þeim skipti þjálfarateymið íslenska tveimur mönnum inná. 
Virðingarverð trú á gamla liðinu, eða ótrúleg hræðsla við að gera breytingar? Það síðara sýndi sig vera hið rétta.
Og svo var bara dúndrað fram úr nauðvörninni ... en það gekk jú ekki til lengdar!

Vonandi þurfum við ekki að horfa lengur á stjórn þjálfaranna á þessu liði - og að það verði núna algjör endurnýjun á liðinu.

Bensínið kláraðist í Búdapest