Ekki byrjar það vel

Ég var fyrst núna að sjá valið á íslenska landsliðinu og ummæli landsliðsþjálfarans um það í Fréttablaðinu.
Ég verð nú að segja eins og mér finnst. Ekki byrjar það vel. Fyrir það fyrsta lætur Ólafur hafa það eftir sér að Eyjólfur hafi verið að velja bestu leikmenn landsins í liðið og að hann sjálfur ætli ekki að breyta því.
Því er maður eins og Jóhannes Karl enn í landsliðinu, þótt hann hafi ekkert spilað með liði sínu í allt haust - og ekki einu sinni setið á bekknum! Tvær gleðilegar breytingar er þó að finna hvað valda menn varðar, annars vegar Stefán Gíslason í Bröndby og hins vegar Eggert Jónsson sem hefur spilað nær alla leikina með Hearts í skosku deildinni - og Skotar hafa verið að standa sig mjög vel í boltanum upp á síðkastið.

En hverjir eru ekki valdir? Þar eru að nefna fjóra leikmenn sem allir eru að spila með liðum í efstu deild í sínu landi, þá Ólaf Örn Bjarnason nýkrýndan Noregsmeistara með Brann sem jafnframt stendur sig vel í Evrópukeppninni, Ólaf Inga Skúlason sem er kominn áfram í UEFA-bikarnum með Henke Larsson og co í Helsingborg (voru að gera jafntefli í 16 liða úrslitum við Fenerbache og það í Tyrklandi), Indriði Sigurðsson hjá Lyn í Noregi sem hefur fengið mikið hrós frá þjálfara sínum fyrir að geta spilað fleiri en eina stöðu í vörninni og Kári Árnason í AGF í Danmörku sem hefur fengið að spila mikið undanfarið í landsliðinu (og fastamaður í félagsliði sínu). Þá er Ívar Ingimars. ekki valinn þótt hann hafi gefið kost á sér. Ætli það gefist ekki betri tími til að þjálfa mann í vörnina í stað hans eftir Danaleikinn en fyrir hann?

Í stað Ólafs Arnar og Indriða er Sverrir Garðarsson FH-ingur valinn (hver er það?). Í stað Ólafs Inga kemur væntanlega Bjarni Þ. Viðarsson sem spilar eingöngu með varaliði Everton. Fyrir Kára kemur líklega Theódór Elmar sem einnig hefur ekki fengið nein tækifæri með liði sínu Celtic og spilar eins og Bjarni einungis með varaliðinu.

Svo eru auðvitað aðrir menn með sem spila lítið sem ekkert með liðum sínum ytra svo sem Ármann Smári og jafnvel Gunnar Heiðar.

Ólafur Jóhannesson landsliðsþjálfari segir í Fréttablaðsviðtalinu að valið hafa verið mjög skemmtilegt. Fyrir hvern spyr maður sig? Fyrir hann, fyrir þá sem voru valdir eða fyrir landsliðið?

Nú er leikur eftir viku við Dani ytra. Menn óttuðust að sá leikur yrðu annar 14-2 ef Eyjólfur væri ekki látinn taka poka sinn. Svo var gert en lítið virðist þó hafa breyst. Sami grautur í sömu skál. Svo virðist sem stjórn KSÍ hafi valið þann mann sem arftaka Jolla sem myndir breyta sem allra minnstu.

Já, ekki byrjar það vel. Er ekki best að halda sig við spána 14-2?

Helveg ekki með gegn Íslendingum

Athugasemdir

[Torfi Kristján Stefánsson, 14.11.2007 kl. 21:55]

Mér hefur verið bent á tvær villur í skrifum mín. Helsingborg gerði ekki jafntefli við Fenerbache heldur vann stórliðið Galatasary á útivelli (og í 32 liða úrslitum, ekki 16 liða). Að hafa Ólaf Inga ekki í landsliðinu og það í byrjunarliðinu er auðvitað ekkert annað en skandall.

Þá vil ég ítreka þá skoðun mína að "miðlungsskussarnir í miðlungsliðunum" á Norðurlöndum séu í mun sterkari stöðu en varaliðsmennirnir í hinum "geysisterku" liðum Everton og Celtic, því þeir eru að spila á allt öðrum level.

Við höfum séð að norrænu liðin eru fyllilega að standa sig þessi misserin. Því er reynsla manna þaðan mjög mikilvæg. Indriði er a.m.k. með miklu meiri reynslu á alþjóðvettvangi en Sverrir Garðars og á tvímælalaust að spila frekar en hann. Þá var Kári Árna loksins að standa sig þegar hann fékk að spila hægri kant í leiknum þegar Grétar Steins meiddist - og sýndi að þá stöðu getur hann vel spilað, eins og hann fékk reyndar að gera hjá Ásgeiri og fyrst í stað hjá Jolla.

Ívar á auðvitað að spila gegn liði eins og Dönum en ekki að vera hringla með vörnina með engum fyrirvara. Það hefur hingað til ekki gefist vel - og mun aldrei gera.

Landsliðsþjálfarann byrjar þannig ekki vel, hann laug t.d. því að ekkert hafi verið rætt við sig um stöðuna og var svo ráðinn nokkrum dögum seinna!

Fyrst ekki er að treysta honum á þessu sviði þá er honum ekki treystandi á öðrum. Stjórnendur verða að vera hreinskiptir og heiðarlegir til að teljast góðir.Annars eru þeir lélegir stjórnendur eins og nýi þjálfarinn virðist vera...