Árni Gautur valinn lélegasti erlendi markvörðurinn

Mig grunar nú að Árni Gautur hafi verið látinn fara frá Vålerenga.

Í einhverju norsku blaðanna um daginn var kosning um það hver væri lélegasti erlendi leikmaðurinn (eða fjárfestingin réttara sagt) í hverri stöðu í norsku úrvaldsdeildinni. Árni Gautur var efstur á blaði markmannanna en reyndar komu markmennirnir mjög vel út þar (þarna eru hörku markmenn, sérstaklega Svíarnir með varalandsliðsmarkvörð þeirra í broddi fylkingar). Árni Gautur fékk þannig ekki slæma dóma en ljóst er að vegur hans fer dalandi - og hefur reyndar gert allt frá því hann fór frá Rosenborg.

Ég held að íslenska landsliðið þurfi að fara að leita eftir nýjum markverði og þá meina ég ekki til Hafnarfjarðar. Leikur Árna Gauts með landsliðinu upp á síðkastið hefur ekki verið sannfærandi. 

Árni Gautur hættur hjá Vålerenga

Athugasemdir

[Arnar (IP-tala skráð) 15.11.2007 kl. 21:16]

Hefur nú ekki sýnt slæma tilburði í síðustu landsleikjum

[Skarfurinn, 15.11.2007 kl. 21:21]

Árni Gautur var arfa slakur á móti Lettum & Lichtenstein og átti sök á nokkrum markanna 7..

[Óli Sveinbjörnss, 15.11.2007 kl. 22:05]

Svona neikvæðni er bönnuð rétt fyrir Danaleikinn. Þið verðið að athuga að Óli valdi Bjarna Sig sem markmanns þjálfara og Bjarni er einn besti markmaður sem Ísland hefur alið. Það er á hreinu að Árni gerir ekkert annað en að bæta sig í návist Bjarna. Svona upp með jákvæðnina og þá rúllum við þessum Dönum upp.

[Sigmar (IP-tala skráð) 15.11.2007 kl. 22:15]

Hmm. Kominn tími á nýjan markmann, helst stóran og stæðilegan úr vesturbænum. Árni hefur verið fastur á línunni í tíu ár og getur ekkert. Munið leikinn gegn króötum þar sem þeir röðuðu sendingum inn á markteig..... þar sem enginn markmaður var hehe.

[Mummi Guð, 15.11.2007 kl. 22:46]

Árni Gautur er besti markmaður Íslands og hefur verið það undanfarin ár. punktur. Hann á sína galla og sá helsti er hvað hann vill vera fastur á línunni eins og Sigmar segir. En það breytir ekki því að hann markmaður nr 1 hjá Íslandi.

[Gunnar Th. Gunnarsson, 16.11.2007 kl. 01:35]

Teljið saman mörkin sem hann hefur fengið á sig í síðustu 30 landsleikjum eða svo. Örugglega Íslandsmet. Gefum honum frí frá landsliðinu.