Fráleitt?

Frétt Jótlandspóstsins um að Baugur hafi verið dönskum fjárfesti meirihluta sinn í Nyhedsavisen hefur vakið mikla athygli.

Baugsfólk neitar þessu auðvitað en þeir sem til þekkja telja þetta ekkert ólíklegt. Tapið á blaðinu sé það mikið, að bara það að einhver vilji taka það tap á sig hlýtur að vera hlutabréfanna virði.

Á síðasta ári tapaði blaði 420 milljónum danskra króna og í ár er tapið áætlað ennþá meira eða 700 milljónir (sjá http://epn.dk/kommunikation/medier_underholdning/article1233759.ece).

Það er í raun merkilegt hvað Baugur getur tapað miklum peningum á heimskulegum fjárfestingum sínum án þess að verða gjaldþrota. Tap á hlutabréfakaupum í Finnair og Commerzbankanum, auk stórtaps í Bretlandi og svo þetta blaðaútgáfuævintýri virðist ekki hafa teljandi áhrif á félagið, eða hvað?

Maður spyr sig hvort baklandið sé svona sterkt, þ.e. ágóðinn af verslunarrekstri hérna heima. Þá má segja að íslenskir neytendur borgi þessa vitlausu "fjárfestingu" í útlöndum. Er ekki kominn tími til að fara að beina viðskiptum sínum annað í stað þess að láta þetta fólk leika sér á þennan hátt með peningana manns?

 

„Frétt Jótlandspóstsins fráleit“

Athugasemdir

[Torfi Kristján Stefánsson, 19.1.2008 kl. 10:30]

Gefið átti þetta að vera í fyrstu setningunni, ekki verið.

[Torfi Kristján Stefánsson, 19.1.2008 kl. 11:17]

Svona til að bæta aðeins við þetta þá hafa stjórnendur Nyhedsavisens orðið uppvísir að ósannindum þegar þeir neituðu hinu mikla tapi á blaðinu (sjá http://www.business.dk/article/20080118/medier/80118114/).

Í frétt business.dk kemur einnig fram að tapið á síðasta ári hafi verið hærra en áður hefur verið sagt, eða 544 milljónir danskra króna (á 8 milljarða íslenskra króna?).

Þessu neituðu fyrirmenn eins og Gunnar Smári þegar fréttir bárust fyrst af hinu stóra tapi í september á síðasta ári. Nú er komið í ljós að tölurnar voru réttar.

Ætli það megi ekki segja hið sama um yfirlýsingu Þórdísar Sigurðardóttur í tilvitnaðri frétt, að Morten Lund hafi fengið 51% hlut í fryirtækinu á eina krónu? Að Þórdís fari þar með ósannindi?

Það eu eflaust fáir sem eru tilbúnir að kaupa hlut í fyrirtæki sem tapar milli einni og einni og hálfri milljón danskra króna á dag!

En menn geta hugsað sér að fá það gefins ef þeir sjá fram á tækifæri til að endurskipuleggja reksturinn frá grunni. 

Líklega verður það fyrsta sem þeir gera að reka Gunnar Smára Egilsson, enda hlýtur hann að fá falleinkunn fyrir stjórnun sína á blaðinu.