hrun eða fall?

Norðmenn eru að velta fyrir sér viðskiptafræðilegum hugtökum þessa daganna, t.d. hvort sé hægt að tala um ástandið á hlutabréfamarkaðnum það sem af er ári sem hrun eða ekki.

Þeir hafa þann mælikvarða að ef vísitalan felllur um 20%, sem hún hefur gert í Noregi, þá sé hægt að tala um hrun hennar. Spurninginn er hins vegar hvor sá "langi" tími sem það hefur gerst á, eða þrjár vikur, geri það að verkum að ekki sé hægt að tala um hrun - aðeins fall. Yfirleitt er talað um hrun ef vísitalan fellur svona mikið á nokkrum dögum.

Þess má geta að vísitalan hér á landi hefur fallið um 16% svo við erum ekki enn komin inn á þessar vangaveltur.

Einnig er verið að velta fyrir sér hvort hægt sé að tala um kreppu (depression) eða samdrátt (recession). Yfirleitt er aðeins talað um kreppu eins og þegar kauphallarhrunið í NY var árið 1929 en samdrátt eins og var á árunum 1986-1993.

Menn eru enn að tala um samdráttarskeið en þá er átt við tímabil lengra en þrír mánuðir. Af því er ljóst að þetta fall hlutabréfamarkaðarins heldur áfram um þónokkurn tíma.

Sem dæmi um óróleikann sem heldur áfram í dag má nefna að markaðir í Asíu féllu margir um yfir 10% í dag (á þeirra tíma) og er það versti dagurinn þar í mörg ár.

Fjárfestar milli vonar og ótta