Siðblindir menn?

Það er furðulegt að lesa ánægju forstjóra Glitnis yfir því eina sem gekk vel í rekstri bankans á síðasta ári, þ.e. okurvaxta- og okurþjónustugjaldastefnu fyrirtækisins!

Þessi okurstarfsemi sem almenningur þarf að borga er það sem heldur bankanum gangandi, nú þegar brask þeirra í útlöndum með peninga almennings hefur beðið skipbrot.

Siðleysi forstóranna er enn meira áberandi í fréttinni um að forstjóri Straums-Burðaráss hafi haft hátt í 40 milljónir króna í mánaðartekjur (eða jafnvel enn meira). Er ekki tími til komið að sett séu lög sem komi í veg fyrir að þetta fólk geti hagað sér eins og það sýnist?

Verið er að kalla eftir hertari reglum um fjárfestingar bankanna erlendis og um lántökur þeirra í því skyni, sem byggja í raun á lánstrausti ríkissjóðs. Þessar geysimiklu lántökur eru farnar að stofna ríkissjóði í hættu, svo nú er loksins farið að tala um að setja lög sem takmarkar þetta.

Því ekki að setja einnig lög um hámark stjórendalauna og vaxta- og þókunarokur lánastofnana? Í raun og veru stjórnast þetta framferði af stefnu og stefnuleysi stjórnvalda í peningamálum. Mál er að linni.

Hagnaður Glitnis 27,7 milljarðar króna

Athugasemdir

[Ólafur Guðmundsson, 29.1.2008 kl. 14:21]

Þá á líka að setja lög um það hve þín laun eiga að vera há. Myndir þú sætta þig við það að eiga ekki möguleika á hærri launum en 200.000 kr. á mánuði.?

Fólk á heldur ekki að skipta við þessa banka ef að því ofbýður það sem þeir bjóða. Það er enginn að neyða því að taka þessi útlán á okurvöxtum, eins og þú nefndir. Svo einfalt er það!