Burt með ríkisstjórnina!

Nú er orðið ljóst að efnahagskreppunni skal skellt á almenning í landinu og allt gert til að vernda þá nýríku. Hækkun stýrivaxta nú, nokkrum dögum eftir að þeir voru hækkaðir um 1,5%, er gott dæmi um það.

Þegar vextirinir voru hækkaðir á dögunum þá var haft eftir formanni Samfylkingarinnar, Ingibjörg Sólrúnu, að hún styddi ákvörðun Seðlabankans og hún reiknaði jafnvel með meiri hækkun í baráttunni við verðbólgudrauginn!

Nú er það svo að til eru mun fleiri leiðir til að berjast við verðbólguna, svo sem að hækka skatta á hátekjufólk. Sú leið er farin í nágrannalöndum okkar, þar sem er þrepaskipt skattkerfi, og það þó svo að hægri stjórnir séu við völd.

Nýleg könnun sýnir að íbúar á Norðurlöndum vilja frekar öflugt velferðarkerfi en lækkun skatta og engin ástæða til að ætla að hér sé öðruvísi farið. En samt er þetta alls ekki gert - þrátt fyrir að slíkt sé vinstra úrræði og að mjög sterkur jafnaðarmannaflokkur sé í ríkisstjórn og þrátt fyrir að efnahagsástandið kalli á slíkt.

Mér sýnist þess vegna að það sé borin von að Samfylkingin geti eða vilji hafa nokkur áhrif á það að draga úr ójöfnuðinum í þessu landi og beitta öðrum úrræðum en þeim sem nú er beitt: að láta efnahagskreppuna lenda á almneningi en hlífa útrásarliðinu.

Því miður sjáum við þó ekki neina hjálp frá stjórnarandstöðunni. Hún er veik og hefur sjálf engin  úrræði að bjóða upp á.

Merkilegt er hvað Vinstri-grænir eru slappir. Þar virðist engin hugmyndafræðilega stefnumótun eiga sér stað. Engin öflug krafa um hækkun skatta á þá launahærri og ekkert andóf gegn áróðri Samfylkingarinnar fyrir inngöngu í ES og aðförinni að krónunni.

Einungis vesælar tilraunir til að vinna almenningshylli með því að mótmæla fálmkenndum tilraunum íhaldsins til að einkavæða heilbrigðiskerfið og styðja baráttu hægri-fasista í Tíbet.

Það virðist þörf á nýju öflugum vinstri flokki til að verja hagsmuni almennings og stunda markvissa vinstri pólitík.

 

Alvarleg staða efnahagsmála