Í landsliðið!

Þetta er auðvitað maðurinn sem við þurfum í landsliðið. Hann ekki bara skorar mörk, hann leggur þau líka upp. Lið hans er í öðru sæti í norsku deildinni, aðeinu einu stigi á eftir Stabæk.

Ég man ekki hvað norska deildin er metin miklu betri en sú íslenska, en held samt að það muni um 50 sætum.

Svo er annar fótboltapiltur þarna, hann heitir Veigar Páll (faðernið óvíst eins og okkar allra). Lið hans Stabæk er í efsta sæti norsku deildarinnar. Í kvöld vann lið hans Íslendingalið Lyn þar sem Indriði Sigurðsson og Theódór Elmar spila. Veigar Páll átti þátt í báðum mörkunum og er einn af stjörnum þessa liðs sem er spáð norska meistaratilinum. 

En þessi elskaði og virti fótboltasparkari í Noregi hefur næstum aldrei fengið að byrja í landsliði Íslands einhverra hluta vegna.

Yfirleitt fær hann ekki einu sinni að koma inná í leikjum íslenska landsliðins, sama hvað illa gengur. Af hverju ekki? Ytra stendur hann sig frábærlega og leggur upp flest marka besta liðsins í Noregi þessa stundina, en hér heima er einhver íslenskur þurs sem vill hann ekki í liðið.

Líklega er þetta enn eitt dæmið um íslenska hrokann, eða eigum við að segja minnimáttarkennd? Við vitum allt best - og við gagnrýnum aldrei. Öll gagnrýni kemur að utan og hún er bara dæmi um öfund. Við erum langbest - þó svo að við séum með allt niðrum okkur. 

 Æ, hvað við erum orðin amerísk!

Garðar með tvö fyrir Fredrikstad