Landsliðsþjálfarinn farinn að fylgjast með?

Landsliðsþjálfarinn virðist vera farinn að fylgjast eitthvað með Íslendingunum sem eru að leika erlendis (öðrum en litlu gaurunum sem komast ekki í liðin sín í Hollandi). Nú var hann loksins að velja Indriða í landsliðið eftir að Indriði hefur spilað stöðu miðvarðar með liði sínu nú á annað ár a.mk. með góðum árangri.

Og svona til að fylgja eftir spurningunni um það af hverju Veigar Páll Gunnarsson hjá norska liðinu Stabæk sé ekki í landsliðshópnum þá vil ég benda á að Stabæk er núna í þessu að ná fjögurra stiga forystu í norsku deildinni (elitserien). http://fotball.aftenposten.no/stat/index.jsp?service=kampendirekte2008&matchId=258325&seasonId=default&refId=default&vm=false#258325

Veigar Páll sem skoraði fyrsta markið og átti stóran þátt í öðru markinu (gert eftir sláarskot hans) er talinn vera einn af þremur bestu leikmönnum liðsins og einn allra besti leikmaður deildarinnar. Hvernig stendur á því að hann er ekki í íslenska landsliðinu?

Ef Ólafur þjálfari ætlar að halda áfram að velja liðið á þennan hátt þá spái ég að honum verði ekki vært út árið á þjálfarastólnum.

Ég sem hélt að menn hefðu eitthvað lært af mistökum fyrri landsliðsþjálfara!

Indriði í landsliðið fyrir Ragnar