Ganga ísbirnir á land í Noregi?

Nei, nú er umhverfisráðheranna gjörsamlega búinn að skíta langt upp upp á bak! Skjóta Norðmenn ísbirni þegar þeir ganga þar á land? Hvenær hafa ísbirnir gengið á land í Noregi? Á síðustu ísöld? Voru til byssur þá?

Nei, nú lýgur ráðherrann eins og hann er feitur til og ber því að segja af sér tafarlaust.

Eins og menn hafa bent á þá er furðulegt að ekki sé til nein áætlun um hvað eigi að gera þegar ísbirnir ganga á land - alfriðuð dýrin. Og það að umhverfisráðuneytið með ráðherrann í broddi fylkingar skuli fela frumbyggjunum í Skagafirði að ákveða sjálfir hvað gera skuli við dýrin er auðvitað gjörsamlega oforsvaranlegt. Dýrið virðist hafa verið hið rólegasta svo nægur tími hefði átt að gefast til að svæfa dýrið og koma því úr landi. Hvað átti það svo sem að gera af sér uppi á fjalli í þokunni? Það er ekki farið að sleppa fé ennþá svo varla hefur þar verið nokkur lifandi sála.

Hér er einfaldlega verið að fara á svig við öll alþjóðleg lög og reglugerðir. Og svo er Samfylkingin að mótmæla hvalveiðum - þ.e. veiðum á dýrum sem eru ekki í neinni útrýmingarhættu en leyfir svo dráp á dýrategund sem er á válista Sameinuðu þjóðanna.

Og eitthvað fannst mér nú Árni Finnsson hjá Náttúruvernd vera slappur. Hann mælti aðeins til þess að dýrinu yrði þyrmt.  Eiga náttúrverndarsamtök Íslands ekki að sjá til þess að alþjóðalögum í náttúvernd séu fylgt hér á landi - og krefst þess þegar í stað? Og hvað ætla þau að gera? Á kannski ekki að kæra þetta atvik til UNEP eða annarra alþjóðlegra náttúrusamtaka?

Ætli Þórunni hafi verði boðið í ísbjarnarveislu í kvöld? Þannig kemst hún kannskri frá kæru þar sem við Íslendingar erum jú frumbyggjar og eigum því rétt á að drepa ísbirni okkur til lífsviðurværis!

Forstöðumaður Náttúrustofu á Norðvesturlandi var á staðnum og hvatti til drápsins. Hann fær þá væntanlega feldinn eða hvað? 

Og það er gaman að sjá hve strákarnir okkar eru glaðir að sjá yfir fengnum. Litlu verður vöggur feginn. 

Deyfilyf ekki til í landinu