Fastamaður í landsliðinu!

Aðeins 18 ára gamall!!!

Í mbl.is gær var frétt um að Rúrik Gíslason (21) væri á leiðinni til Brann, frá Viborg, og að í fyrra hafi besti þjálfarinn í norska boltanum, Svíinn Jan Jönsson hjá Stabæk, verið að hugsa um að kaupa hann en hætt við vegna þess að hann hefði í raun verið að leita að reyndari manni.  Samt var Rúrik þá tvítugur, tveimur árum eldri en Aron, en sá síðarnefndi er þrátt fyrir ungan aldur fastamaður í íslenska landsliðinu!!!!!!!!!!!!!

Já þeir huga ólíkt íslenski landsliðsþjálfarinn annars vegar og  þjálfari Stabæk hins vegar. Þessi ólíka knattspyrnusýn kemur einnig fram í mati þeirra á Veigari Páli Gunnarssyni, eins af lykilmönnum Stabæk, sem ekki einu sinni er valinn í landsliðshópinn íslenska. 

Í nýlegu viðtali við Jan Jönsson og grein um árangur hans með Stabæk kemur fram skemmtileg fótboltaspeki þjálfarans:

Það var snemma veturs 2004 á Gardemoen. Stabæk hafði fallið úr efstu deild og forráðamenn liðsins sátu á fundi með  Jan um að taka við liðinu, en hann var þá þjálfari Landskrona í Svíþjóð. Á borðinu fyrir framan þá er ávaxtakarfa sem Jan teygir sig í og segir: "Ég fer eftir nokkrum einföldum reglum hvað sóknarleik varðar. Við notum tvo sóknarmenn. Annar hleypur bakvið vörnina meðan hinn tekur við boltanum og spilar hann í gegn."

Síðan setur hann appelsínuna á borðbrúnina (sem tákn um kantmann). "Við eigum kannski einn svona "mætandi" leikmann", sagði þá einn Norðmannanna. "Hann heitir Veigar Páll Gunnarsson. En við eigum enga appelsínu sem kemst á bakvið vörnina."

Jönsson þóttist eiga einn slíkan sem var Daniel Nannskog. Síðan er hin rómaða samvinna Veigars Páls og Nannskogs rakin sem hefur gert Stabæk að einhverju besta liðinu í Noregi.

Við eigum sem sé einn svona snilling sem getur spilað menn í gegn en viljum ekki nota (reyndar er Eiður Smári annar). Er það vegna þess að við eigum engan mann sem getur hlaupið inn í eyðurnar? Hvað með Gunnar Heiðar Þorvaldsson (já eða Garðar Jóhannsson)?

Líklegast er þó vandamálið það að við eigum engan almennilegan þjálfara (nema kannski Sigurð Jónsson)  - og höfum ekki átt lengi.

 

Aron Einar á leið til Coventry

Athugasemdir

[.. (IP-tala skráð) 10.6.2008 kl. 15:56]

Rúrik Gísla er 88 módel og Aron 89 ..