Skrítin yfirskrift

Í tilvísaðri frétt segir nefnilega ekki um próf sem slík heldur aðeins um gildi menntunnar og um útskrif úr KHÍ!

Ljóst er hins vegar að ákvörðunin um fimm ára starfsnám til kennsluréttinda er fyrst og fremst komið frá yfirstjórn Kennaraháskólans en ekki frá almennum kennurum eða nemendum skólans.

En hvernig væri nú að KHÍ gengi á undan með góðu fordæmi og krefðist að allir þeir sem kenna við skólann séu sjálfir með meistarapróf en á því er nokkur hörgull? Dálítið merkilegt að ekki sé gerð krafa til þess að þeir sem kenna á meistarastigi séu með meistarapróf!

Þá er auðvitað nokkuð sérkennilegt við sameiningu háskólanna tveggja, KHÍ og HÍ, að ekki sé stokkað upp í ráðningarmálum og þess krafist að allir fastráðnir kennarar séu með doktorspróf og að allir lausráðnir kennarar séu a.m.k. með mastersgráðu. Ef hinn sameinaði skóli ætlar að læta draum sinn um að komast í hóp 100 bestu háskóla í heimi þá þarf hann svo sannarlega að taka sig á í starfsmannamálum.

Það er nefnilega dálítið hlálegt að gerðar séu meiri kröfur um gráður til leik- og grunnskólakennara en til háskólakennara.

 

Próf standa alltaf fyrir sínu

Athugasemdir

[Baddi (IP-tala skráð) 14.6.2008 kl. 18:07]

Í HÍ er það meginregla að gera skuli kröfu um doktorspróf við ráðningu, sjá 34. grein í reglum HÍ (http://www.hi.is/page/reglurHI).  Það gengur nú samt ekki í öllum fögum að gera þessa kröfur og eru því stundum gerðar undantekningar.