Búið að velja landsliðið en ... ?

Samkvæmt frétt norskra blaða er búið að velja landsliðshópinn vegna Noregi (6. sept) en þó er ekki búið að tilkynna hann til fjölmiðla hér á landi!

Í frétt hjá Aftenposten (http://fotball.aftenposten.no/eliteserien/article116448.ece) er sagt frá því að Veigar Páll (og félagi hans hjá Stabæk, Pálmi Rafn) hafi verið valinn í liðið og tekið viðtal við hann.

Í fréttinni kemur einnig fram að Veigar Páll hafi aðeins verið spilað einn landsleik á einu ári þrátt fyrir að hafa átt mjög góða leiki með Stabæk á þessu tímabili.

Hann heldur sjálfur að hann muni koma til með að spila sem sóknartengliliður, eða fyrir aftan miðherjann, en eins og menn vita þá er landsliðsþjálfarinn óútreiknanlegur og er vel trúandi til þess að láta Veigar Pál sitja á bekknum allan leikinn, rétt eins og hann lét reynslumikla menn sitja á bekknum gegn Azerum allan leikinn en valdi strákpolla í staðinn.

 

Eiður lék í 25 mínútur í tapleik Barcelona

Athugasemdir

[Haukur Nikulásson, 26.8.2008 kl. 23:10]

Ég gleðst yfir því ef svo er Torfi. Ég lét mig hafa það að senda þjálfaranum áskorun mína í tölvupósti. Nú get ég logið því í sjálfan mig og aðra að það hafi haft áhrif.

[Marinó G. Njálsson, 26.8.2008 kl. 23:33]

Þessi strákpolli sem þú ert að tala um, Torfi.  Vill nokkuð svo til að það er maðurinn sem lagði upp mark Íslendinga í leiknum, Jóhann Berg Guðmundsson?  Og hvaða reynsluboltum hélt hann á bekknum?

Þeir sem voru á bekknum eru:

Kjartan Sturluson - markmaður

Ólafur Ingi Skúlason - 6 leikir

Aron Einar Gunnarsson - 4 leikir

Theodór Elmar Bjarnason - 6 leikir

Ragnar Sigurðsson - 9 leikir

Emil Hallfreðsson - 16 leikir

Marel Jóhann Baldvinsson - 17 leikir, þar af 3 síðan 2004.

Davíð Þór Viðarsson - 5 leikir

Hólmar Örn Rúnarsson - 0 leikir

Í þessum hópi  eru tveir leikmenn með meira en 10 landsleiki og enginn með meira en 20 leiki.  Það var enginn "reynslubolti" á bekknum.  Það er líka mín skoðun að Jóhann Berg hafi verið gjörsamlega vannýttur í fyrri hálfleik.  Skipti eftir skipti var hann frír á vinstri vængnum, en "reynsluboltinn" Eiður Smári ákvað að hunsa það og gefa þrældekkaða leikmenn.

Mér finnst það lélegt að vega á þennan hátt að Jóhann sem stóð fyllilega fyrir sínu í leiknum.