Norðmenn búnir að velja liðið, en hvað með Ísland?

Það er ekki nema rúm vika þar til fyrsti leikur Íslands í undarriðli HM í fótbolta fer fram, við Norðmenn ytra þann 6. september, en ekkert bólar á vali liðsins.

Norski landsliðsþjálfarinn er hins vegar búinn að velja eftrifarandi 21 manna hóp:

Rune Almenning Jarstein - Rosenborg, Jon Knudsen - Stabæk, Håkon Opdal - Brann
Mohammed Abdellaoue - Vålerenga, Martin Andresen - Vålerenga, John Carew - Aston Villa
Christian Grindheim - Heerenveen, Brede Hangeland - Fulham, Thorstein Helstad - Le Mans
Daniel Fredheim Holm - Vålerenga, Kristofer Hæstad - Vålerenga, Tom Høgli - Tromsø
Atle Roar Håland - Odense, Steffen Iversen - Rosenborg, Erik Nevland - Fulham
Morten Gamst Pedersen - Blackburn, Tore Reginiussen - Tromsø, John Arne Riise - Roma             Morten Morisbak Skjønsberg - Stabæk, Fredrik Strømstad - Le Mans, Fredrik Winsnes - Strømsgodset

Þjálfari, Åge Hareide, tekur það sérstaklega fram að hann velji ekki menn undir 21 árs í liðið því þá vanti bæði rútínu og styrk til að spila í undankeppninni. Rútínuna eigi þeir að fá í kepnni með 21-árs liðinu sem fer fram á sama tíma.

Þetta viðhorf gengur þvert á speki íslenska landsliðsþjálfarans sem helst velur unga leikmenn ef þess er kostur, svo sem hinn 17 ára Jóhann Berg Guðmundsson í síðasta landsleik og þá Arnar Smárason og Aron Gunnarsson, sem þó komust ekki í lið hjá félagi sínu ytra.

Norski þjálfarinn hefur einnig verið samkvæmur sjálfum sér í vali á leikmönnum og látið sömu menn spila meira og minna alla æfingarleiki til að samþjálfa þá.

Sá íslenski hefur hins vegar verið að hringla með fjölda leikmanna, og þá helst þá sem hafa minnstu reynsluna, svo samæfing hefur verið með minnsta móti. 

Líklega er þetta ástæðan fyrir að hann er ekki búinn að velja landsliðshópinn gegn Norðmönnum. Hann hefur ekki hugmynd um hverja skuli velja! 

Hareide myndi nota Veigar í norska landsliðið