Norski og skoski hópurinn klár en hvað með þann íslenska?

Meðan við aumir áhugamenn um íslenskan fótbolta bíðum í ofvæni eftir salómonsdómi landsliðsþjálfara okkar um hverjir skipi landsliðshópinn í leiknum gegn Norðmönnum, berast þær fréttir frá Noregi að Kjartan Finnbogason hafi verið að skora í sjötta leiknum í röð fyrir lið sitt Sandefjord í næst efstu deildinni (í 3-0 sigri gegn efsta liðinu Odd Grenland). Sandefjord er í góðum sjensum til að vinna sér strax aftur sæti í efstu deild en liðið féll í fyrra.

Kjartan, sem er fyrrum leikmaður skosku meistaranna Celtic, hefur nú skorað 7 mörk fyrir nýja liðið sitt og vakið mikla athygli ytra.

Ef það eru vandræði við að velja miðherja í íslenska landsliðið sem tefur birtingu á vali landsliðsþjálfarans þá ætti hann kannski að kíkja á þennan dreng með því að velja hann í liðið?

En það er auðvitað borin von ....

Skoski landsliðshópurinn klár