Væri ekki nær ...?

... að kortleggja eigin leikmenn sem spila erlendis - og fá einhvern til að fara út og meta þá?

Ef það væri gert þá væri kannski möguleiki að þeir Íslendingar sem eru að spila með bestu liðunum á Norðurlöndunum væru valdir í landsliðið, en ekki þeir sem eru að spila með lélegustu liðunum eins og er raunin. 

Einnig kæmi þá kannski upp sá möguleiki að fleiri atvinnumenn ytra yrðu valdir í landsliðið í stað þeirra meðalmanna sem spila hér heima og fá sjens þó svo að þeir sýni ekkert í deildinni hér heima.

Eða hvernig ætli standi á því að  Hólmar Örn Rúnarsson og Bjarni Eiríksson voru aldrei valdir í landsliðið þegar þeir spiluðu með Silkiborg í dönsku úrvalsdeildinni en voru valdir í liðið um leið og þeir komu heim?

Og hvernig stendur á því að Sverrir Garðarson var valinn í landsliðið þegar hann spilaði með FH en hefur ekki komið til greina eftir að hann fór að spila í Svíþjóð?

Svarið er reyndar augljóst. Landsliðsþjálfarinn telur deildirnar ytra ekki betri en deildina heima (amk ekki sú norska eins og hann sagði sjállfur í viðtali nú nýverið)!!!

Hvernig ætli standi þá á því að skandinavísku liðin eru að komast áfram í Evrópukeppnunum en þau íslensku ekki? Og af hverju eru liðin á hinum Norðurlöndunum miklu hærri á styrkleikalistanum en þau íslensku?

En það er auðvitað ekkert að marka þessa styrkleikalista, er það nokkuð? 

Menn Ólafs njósna um mótherjana