Að kenna öðrum um ...

Mikið er leiðinlegt að hlusta á þessa íþróttafréttamenn, ekki síst Snorra Sturluson sem í nýlegri skoðanakönnun á einni bloggsíðunni var kosinn leiðinlegasti íþróttafréttaþulurinn! Hann býsnaðist endalaust yfir dómgæslunni svo ég var farinn að taka hljóðið af!

En leikur íslenska liðsins var ekki góður - og því fór sem fór. Reyndar var seinni hálfleikur betri enda kom þá menn inn á sem eiga skilyrðislaust að vera í byrjunarliðinu, menn eins og Indriði Sigurðsson og Veigar Páll.

Það var reyndar furðulegt að sjá reyndustu mennina klikka, eins og Eið Smára og Hermann. Eiður sýndi lítið og Hermann ekki neitt, nema það að hann er gjörsamlega einfættur - getur ekki einu sinni lagt fyrir sig boltann með hægri fætinum. Ég vil sjá Ragnar Sigurðsson í stað Hermanns í vörninni.

Þá var miðjuspilið í molum og strákurinn ungi, Aron Gunnarsson, engan veginn að meika það, þó svo að hann geti kastað langt úr innkasti. Því miður virðist ekki vera mikið um miðjumenn til að taka við því þeir eru flestir meiddir. T.d. var að koma í ljós að Ólafur Ingi Skúlason verður burtu í sex mánuði vegna meiðsla en hann var nýstiginn upp úr einu slíku fári.

Annars unnu Hollendingar Makedóna á útivelli 1-2 í okkar riðli.

Svíar unnu Ungverja 2-1 en Danir eru undir gegn Portugölum ytra 0-1. 

Þá náðu Þjóðverjar jafntefli útivelli gegn Finnum 3-3 þar sem Klose jafnaði leikinn þrisvar sinnum!

Finnar eru að gera það sem við getum ekki, spila hörkuleiki gegn sterkum liðum og vera í baráttunni um að komast áfram. Af hverju ætli það sé? Vegna þess að þeir tíma að vera með erlenda þjálfara sem hafa meiri metnað en að ná bara jafntefli, en við ráðum trekk í trekk innlenda þjálfara sem hafa enga alþjóðlega reynslu sem slíkir - og ekkert sjálfstraust? 

Skotar unnu nauman sigur